«Ulttyq bank bazalyq mólsherlemeni 16%-ǵa deıin kóterdi. Bul ósim nesıe boıynsha mólsherlemeniń avtomatty túrde kóteriletinin jáne olardyń bıznes úshin odan saıyn qoljetimsiz bolatynyn bildiredi. 2023 jyly memlekettik qaryzǵa qyzmet kórsetýge Qazaqstannyń búkil tarıhyndaǵy rekordtyq 1,8 trıllıon teńge josparlanǵan. Al bankter ózderiniń kóp trıllıon dollarlyq ótimdiligin Ulttyq banktiń notalaryna yńǵaıly ornalastyryp, jyldyq 16% paıda tabady. Depozıti barlar sııaqty», dedi Amanjan Jamalov Májilistiń jalpy otyrysynda.
Onyń aıtýynsha, Ulttyq bank pen Úkimet baǵany ustap turýdyń eki paıdasyz tásiliniń aınalasynda júr. Bul bazalyq mólsherleme jáne «aınaldyrý shemasy».
«Baılar baıyp jatyr, al kedeıler baǵanyń ósýine baılanysty kedeılene beredi. Ulttyq bank baspasóz habarlamalarynda bul ósimniń áseri bir jyldan eki jylǵa deıin keshigetini aıtylady. Is júzinde ol aldaǵy eki jylda bazalyq mólsherlemeniń kóterilýi aǵymdaǵy ınflıasııanyń tómendeýine áser etpeıdi», dep atap ótti depýtat.
