Kópen Ámirbek 1950 jyly 29 naýryzda Ońtústik Qazaqstan oblysynyń Otyrar aýdanyna qarasty Eshkiqora eldi mekeninde dúnıege kelgen.
Ál-Farabı atyndaǵy Qazaq ulttyq ýnıversıtetiniń jýrnalıstıka fakýltetin 1973 jyly bitirip, eki jyldyq áskerı partııa mektebinde oqyǵan.
1978 jyly Máskeýde, 1980 jyly Tashkentte ótken búkilodaqtyq jas syqaqshylar festıvaline qatysyp, «Pravda» baspasynan shyqqan «Nadeısıa ı jdı», «Krohotnye zvezdy» atty orys tilindegi ujymdyq jınaqta ázil-syqaqtary jarııalandy.
Saıası satıralyq «AraShmel» jýrnalynda ádebı qyzmetker, bólim meńgerýshisi, jaýapty hatshy, Bas redaktor, ǵylymı tehnıkalyq «Bilim jáne eńbek» jýrnalynda jaýapty hatshy, «Qazaq ádebıeti» gazetinde satıra jáne ıýmor bóliminiń meńgerýshisi, «Egemen Qazaqstan» gazetinde feleton bóliminiń meńgerýshisi, Qazaqstan Respýblıkasy Bas prokýratýrasy men Joǵarǵy sotynda baspasóz hatshysy, Qazaq radıosynda Bas redaktor bolyp qyzmet istedi. Saıası qoǵamdyq satıralyq «Ara»jýrnalynyń Bas redaktory, Qazaqstan Jazýshylar odaǵy satıra keńesiniń tóraǵasy boldy.
Kópen Ámirbek «Qymyzhana», «Tamasha» oıyn-saýyq otaýynyń belsendi avtory retinde, sondaı-aq ózi qurǵan «Kópen kele jatyr!...» atty satıralyq teatrymen kórermenge keńinen tanyldy. Orys ádebıetiniń klassıkteri I.Krylov, S.Mıhalkov, S.Marshaktyń mysal-mysqyldary men lezgın satırıgi Jamıdınniń jáne ózbek ázilkeshi Abdýlla Qahardyń birsypyra syqaq óleńderin qazaq tiline aýdardy. «Aty joq kitap», «Alyp», «Tilim qyshyp barady», «Qysyr áńgime», «Myń bir mysal», «Aýyzbastyryq», «О́zińdi tanısyń ba?», «Kópen kele jatyr!...», «Iz», «Kókemniń kózi», «Pa, shirkin, parodııa!...» atty ázil-syqaq, syn maqalalar kitabynyń avtory.
Prezıdent granty men «Parasat» ordeniniń ıegeri, Halyqaralyq «Alash» ádebı syılyǵynyń laýreaty.
