Qazaqstan Respýblıkasynyń Memlekettik kúzet qyzmeti óz qataryna jas sarbazdardy qabyldaý sharasyn jalǵastyryp otyr. Merzimdi áskerı qyzmetti ótkerý jáne Otan aldyndaǵy azamattyq boryshyn atqarý úshin shaqyrylǵan sarbazdar Áskerı ant qabyldady.
Bul azamattyq shara elimizdiń jas ulandarynyń boıynda patrıotızm sezimin, Otanǵa jáne Qazaqstan Prezıdentine degen adaldyqqa, elıtalyq áskerı bólimniń qatarynda qyzmet atqarýdy maqtan tutýǵa tárbıeleıtin aıryqsha áskerı rásim bolyp tabylady.
Ant – memleketke, óz eliniń halqyna degen adaldyq serti. Áskerı ant qabyldaý «Áskerı mindettilik jáne áskerı qyzmet týraly» Qazaqstan Respýblıkasynyń Zańymen jáne Ishki qyzmet jarǵysymen resmı bekemdelgen. Bul áskerı qyzmettiń mańyzdy aktileriniń biri bolyp tabylady. Otanǵa qyzmet etemin dep ant berip, jas jaýynger kýrsynan ótken keshegi shaqyrylýshy áskerı qyzmetshi bolady.
Áskerı anttyń qazirgi mátini Qazaqstan Respýblıkasy Prezıdentiniń 1992 jylǵy 25 tamyzdaǵy Jarlyǵymen bekitildi. Bul – Otanǵa, elimizdiń halqy men saılanǵan Prezıdentine adal bolýdy bildiretin qasıetti ant.
Memlekettik qujat bola otyryp, Áskerı ant áskerı qyzmetshilerden áskerı qyzmet mindetterin buljytpaı oryndaýdy, áskerı isti adal zerdeleýdi, senip tapsyrylǵan qarý men jaýyngerlik tehnıkany sheber qoldanýdy jáne uqypty ustaýdy talap etedi.
Memlekettik kúzet qyzmetiniń áskerı qyzmetshileri ózderine tapsyrylǵan memlekettiń halqy men jekelegen tulǵalarynyń qaýipsizdigin qamtamasyz etý, rásimdik is-sharalardy qaltqysyz oryndaýǵa qatysý sekildi mindetterdi buljytpaı oryndaıdy. Qazaqstan Respýblıkasy memlekettik rámizderiniń etalondaryn jáne asa mańyzdy memlekettik nysandardy kúzetedi. Olar joǵary jaýyngerlik daıarlyǵymen, elimizdiń mádenı jáne sporttyq ómirine belsene qatysýymen erekshelenedi. Elıtalyq áskerde áskerı qyzmetti Qazaqstannyń ár aýmaǵynan shaqyrylǵan, psıhologııalyq minez-qulqy jáne dene kúshi jaǵynan talapqa saı ulandar ǵana atqarady.
Ant qabyldaǵannan keıin jas sarbazdar Almaty jáne Astana qalalaryndaǵy áskerı bólimder boıynsha taratylady. Birneshe kún ótkennen keıin elimizdiń Prezıdenti bergen mańyzdy jaýyngerlik mindetterdi atqarýǵa kirisedi.
Saltanatty ant qabyldaý rásimi kezinde arnaıy shuǵyl maqsattaǵy batalonnyń áskerı qyzmetkerleri qoıan-qoltyq urys ónerin kórsetip, qurmet qaraýyl rotasy sap túzegen sherýmen áskerı plas-konsert kórsetti.
Qanat ESKENDIR,
«Egemen Qazaqstan».
ALMATY.
Bul azamattyq shara elimizdiń jas ulandarynyń boıynda patrıotızm sezimin, Otanǵa jáne Qazaqstan Prezıdentine degen adaldyqqa, elıtalyq áskerı bólimniń qatarynda qyzmet atqarýdy maqtan tutýǵa tárbıeleıtin aıryqsha áskerı rásim bolyp tabylady.
Ant – memleketke, óz eliniń halqyna degen adaldyq serti. Áskerı ant qabyldaý «Áskerı mindettilik jáne áskerı qyzmet týraly» Qazaqstan Respýblıkasynyń Zańymen jáne Ishki qyzmet jarǵysymen resmı bekemdelgen. Bul áskerı qyzmettiń mańyzdy aktileriniń biri bolyp tabylady. Otanǵa qyzmet etemin dep ant berip, jas jaýynger kýrsynan ótken keshegi shaqyrylýshy áskerı qyzmetshi bolady.
Áskerı anttyń qazirgi mátini Qazaqstan Respýblıkasy Prezıdentiniń 1992 jylǵy 25 tamyzdaǵy Jarlyǵymen bekitildi. Bul – Otanǵa, elimizdiń halqy men saılanǵan Prezıdentine adal bolýdy bildiretin qasıetti ant.
Memlekettik qujat bola otyryp, Áskerı ant áskerı qyzmetshilerden áskerı qyzmet mindetterin buljytpaı oryndaýdy, áskerı isti adal zerdeleýdi, senip tapsyrylǵan qarý men jaýyngerlik tehnıkany sheber qoldanýdy jáne uqypty ustaýdy talap etedi.
Memlekettik kúzet qyzmetiniń áskerı qyzmetshileri ózderine tapsyrylǵan memlekettiń halqy men jekelegen tulǵalarynyń qaýipsizdigin qamtamasyz etý, rásimdik is-sharalardy qaltqysyz oryndaýǵa qatysý sekildi mindetterdi buljytpaı oryndaıdy. Qazaqstan Respýblıkasy memlekettik rámizderiniń etalondaryn jáne asa mańyzdy memlekettik nysandardy kúzetedi. Olar joǵary jaýyngerlik daıarlyǵymen, elimizdiń mádenı jáne sporttyq ómirine belsene qatysýymen erekshelenedi. Elıtalyq áskerde áskerı qyzmetti Qazaqstannyń ár aýmaǵynan shaqyrylǵan, psıhologııalyq minez-qulqy jáne dene kúshi jaǵynan talapqa saı ulandar ǵana atqarady.
Ant qabyldaǵannan keıin jas sarbazdar Almaty jáne Astana qalalaryndaǵy áskerı bólimder boıynsha taratylady. Birneshe kún ótkennen keıin elimizdiń Prezıdenti bergen mańyzdy jaýyngerlik mindetterdi atqarýǵa kirisedi.
Saltanatty ant qabyldaý rásimi kezinde arnaıy shuǵyl maqsattaǵy batalonnyń áskerı qyzmetkerleri qoıan-qoltyq urys ónerin kórsetip, qurmet qaraýyl rotasy sap túzegen sherýmen áskerı plas-konsert kórsetti.
Qanat ESKENDIR,
«Egemen Qazaqstan».
ALMATY.
