Astanalyq turǵyn 102 nómirine 99 ret habarlasqan. Alaıda mamandardyń aralasýyna qatysty bir-eki is ǵana naqty anyqtalyp, qalǵany jalǵan bolyp shyqqan.
Anyqtalǵandaı, 40 jastaǵy azamat bul qadamdy mas kúıde jasaǵan.
«Barlyq qońyraýlar boıynsha dereý qyzmet kórsetildi, alaıda qońyraýlardyń bir-ekeýi ǵana polısııanyń aralasýy qajet oqıǵalarǵa qatysty bolǵan. Qońyraýlardyń kóp bóligi jalǵan bolyp shyqty, biraq árbir shalynǵan qońyraý boıynsha polısııanyń keshendi kúshteri, keıbir jaǵdaıda jedel-tergeý toptary qyzmet kórsetýge shyqqan. Máselen, joǵaryda atalǵan azamattan polısııanyń 102 arnasyna saǵat 04.24-te Abaı dańǵylyndaǵy sýpermarkettiń janynda belgisiz er adam pyshaqpen júrip, adamdarǵa qaýip tóndirip júrgeni týraly birneshe qońyraý kelip tústi. Qońyraý shalýshy tez áreket etýdi suraǵan. Oqıǵa ornyna dereý polısııa jasaǵy shyqqan. Alaıda tekserý barysynda fakti rastalmady», dep habarlady IIM baspasóz qyzmeti.
Oqıǵa boıynsha quqyq buzýshynyń jeke basy anyqtalyp, oǵan 30 AEK mólsherinde aıyppul salynǵan.
