Qara shańyraqtan qanat qaqqan

2002 jyldyń 4 shildesindegi ál-Farabı atyndaǵy QazUÝ Ǵylymı keńesiniń qaýlysy boıynsha ýnıversıtet janynan kolledj ashyldy. Kolledjdiń damý tarıhynda Z.Isaeva, K.Jadanova, B.Karımova, T.Moldahanov sııaqty elimizdiń kórnekti pedagogtary turdy. Bilim me­kemesiniń negizgi mindeti eńbek na­ryǵynda suranysqa ıe tehnı­­kalyq jáne kásibı bilimniń bilikti ma­mandaryn daıyndaý bolyp tabylady. QazUÝ-diń kóp deńgeıli bilim júıesinde kolledj úlken mańyzǵa ıe. Ýnıversıtettiń qury­lym­dyq bólimshesi bola otyryp, kol­ledj osy oqý ornynyń bilim jáne ǵylymı-zertteý úrdiste­riniń bel­sendi bóligi bolyp tabylady, sony­men qatar, bilim berý úshin joǵa­ry mamandandyrylǵan oqytý­shy-pro­fessorlar quramyn tartý múmkindigine ıe. Bilim mekemesi quqyqtaný, qarjy, elektrondy esepteý teh­nıkasy jáne baǵdarlamalyq qamtamasyzdandyrý, aqparattyq júıeler, esep jáne aýdıt, aýdarma isi mamandyqtary boıynsha 9-shy jáne 11-shi synyptardan soń mamandar daıyndaýdy júzege asyrady. Kolledjdi  bitirgen soń memle­ket­tik úlgidegi dıplom beriledi, osy dıplom negizinde bitirýshiler QazUÝ-de uqsas mamandyqtar boıynsha qysqartylǵan oqý merzimimen bilimin jalǵastyra alady. Kóptegen stýdent-bitirýshiler bankterge, zań qyzmetteriniń fırmalaryna, notarıaldyq keńselerge, IT-kom­panııalarǵa qyzmetke ornalasady. Búgingi kúnde oqý ordasy zaman talabyna saı bir ýaqytta teo­rııa­lyq jáne tájirıbelik bilim alýdy negizdeıtin qos júıeli bilim berýdi engizý úshin barlyq kúshin salýda. Eńbek naryǵynda suranysqa ıe bilikti mamandardy daıyndaýmen qam­tamasyz ete alady jáne qyz­met­ke turýǵa kepildik ete otyryp, ár­­bir bitirýshini naqty óndiriske ba­ǵyt­taý úshin jaǵdaı jasaıdy. Búgingi tárbıelik úrdistiń negizgi mindeti – bilim alýshylardy belsendi stýdenttik ómirge tartý. Sol úshin olardyń zııatkerlik qabiletin, oı-órisin damytýda, dene tárbıesimen shuǵyldanýlary úshin barlyq múmkindikterdi paıdalanyp, jaǵdaılaryn jasaý lázim. Kolledjdegi tárbıeniń tini bilim men tájirıbeni úlken býynnan kishige berý ǵana emes, sonymen qatar oqytýshylar men bilim alýshylardyń bilim salasynda jáne sabaqtan tys qyzmetinde olardyń birigip qyzmet etýi retinde túsindiriledi. Tárbıe úrdisin nátıjeli júzege asyrý men jetildirý úshin kolledj­de kýratorlar keńesi, stýdenttik máslıhat, ata-analar komıteti ju­mys isteıdi, 10-nan asa túrli úıirmeler men sporttyq seksııalar bar. Biryńǵaı bilim jáne tárbıelik keńistikte bilim alýshylardyń túrli qabiletterin ushtaı túsý úshin qo­laıly jaǵdaılar jasalǵan. Ashylǵan ýaqyttan bastap bilim mekemesi kóptegen aıtarlyqtaı jetistikterge jetti. Bilim alýshylarymyz jyl saıyn «Stýdenttik kóktem» saıysynyń, Almaty qalasy kolledjderi ótkizetin stýdenttik ǵylymı jobalardyń, halyqaralyq jáne respýblıkalyq ǵylymı-tájirıbelik konferensııalar men olımpıadalardyń júldegerleri qatarynan kórinýde. «Aýdarma isi» mamandyǵy boıynsha bilim alýshylarymyz tildik tájirıbeden ótý úshin Malaızııa memleketine jiberiledi. Bul aǵylshyn tilin meńgertýdiń bir ádisi. Sondaı-aq, stýdentterimiz ártúrli quqyq qorǵaý organdarynda, qarjy mekemeleri men IT-kásiporyndarynda, memlekettik jáne jeke menshik qurylymdarda óndiristik tájirıbeden ótedi. Mamandardy daıyndaý sapasy týraly sońǵy jyldardaǵy kolledj bitirýshileriniń kásibı daıyndyq deńgeıi jáne biliktilik emtıhanyn tapsyrý qorytyndylary boıynsha saraptaýǵa bolady. Ál-Farabı atyndaǵy QazUÝ kolledjiniń bilim alýshylarynyń test boıynsha ótý baldary joǵary bolyp keledi. (Kolledj boıynsha ortasha ball­100-den 87,5). Ál-Farabı atyndaǵy QazUÝ kolledji biliktilik emtıhany­­nyń qorytyndysy boıynsha Alma­ty qalasy kolledjderi arasynda birinshi orynda tur. Kolledj Almaty qalasy kol­ledjderi assosıasııasynyń tu­raq­ty múshesi bolyp tabylady. Ǵy­lymı-ádistemelik sıpattaǵy kon­­ferensııalar, semınarlar, baı­qaý­­lar men basqa da bilim berýdiń ınno­vasııalyq-kommýnıkasııalyq tehnologııalaryn engizý boıynsha is-sharalardy uıymdastyrýǵa qatysady. Almaty qalasy kolledj­deriniń oqytýshylary jáne stý­dentteri arasyndaǵy túrli sıpat­taǵy  spartakıadalarǵa, pándik olım­pıadalarǵa, tehnıkalyq shyǵar­mashylyqtaǵy kórmelerge, kórkem-ónerpazdyq baıqaýlarǵa  qatysady. Ál-Farabı atyndaǵy QazUÝ kolledji jumys istegen ýaqyty bary­synda ózin kásiptik bilim berý­diń básekelesýge qabiletti orta­ly­ǵy retinde usyndy. 2013 jyly jel­toqsan aıynda kolledj mem­lekettik attestattaýdan oıdaǵydaı ótti. Kolledj ýnıversıtettiń damýy úshin barlyq kúshin salady jáne óziniń úlesin qosady. Ál-Fa­­­ra­bı atyndaǵy Qazaq ulttyq ýnı­ver­sıtetiniń biryńǵaı bilim qury­lymynda, ásirese, 80 jyldyq mereıtoıda kolledjdiń mańyzy men róliniń moıyndalýy bilim bólimshesiniń ári qaraı damýy men oqytýshylarynyń, stýdentteri­niń shyǵarmashylyq oılaryn júze­ge asyrý úshin berik tirek bolyp ­tabylady. Raıhan NURQANOVA, ál-Farabı atyndaǵy QazUÝ kolledjiniń dırektory.