Jetisý oblysynyń ákimi Beıbit Isabaev óńirlik jedel járdem stansysy ortalyǵynyń dırektory Savelıı Pakqa 40 jańa «Jedel járdem» kóliginiń kiltin tapsyrdy.
О́tken jyly satyp alynǵan 35 sanıtarlyq avtomashınany esepke alsaq, stansynyń arnaıy kólikpen qamtamasyz etilýi 100%-ǵa, al halyq sanyna shaqqandaǵy brıgadalarynyń sany 75-ke jetip otyr. Jalpy 10 myń adamǵa 1 brıgada dep esepteledi, al oblystaǵy halyq sanynyń 667 myń adam ekenin eskersek, brıgada sany tıisti mólsherden asyp otyr.
Jedel járdem karetalary barlyq qajetti quraldarmen, atap aıtqanda ókpeni jasandy jeldetetin «Wienman» apparattary, dıstansııalyq elektrokardıograf, «Corpuls» defıbrıllıatory, «Accuvac pro Wienman» elektr aspıratory, omyrtqany qozǵaltpaı ustaýǵa arnalǵan dıp-panel, reanımasııaǵa arnalǵan oryn, ottegi ballondary, pasıentti tasymaldaý kezinde paıdalanylatyn arnaıy tósek, jumsaq zembildermen jabdyqtalǵan.
