Bank RBK aı saıynǵy ósim boıynsha eldegi eń iri kredıtor-bankter arasynda kóshbasshy bolyp keledi. Jyldyq dınamıka boıynsha bank portfeli bir jarym esege ósken. Bank kásipkerlik sýbektilerin de, halyqty da nesıeleıdi, al jeke tulǵalarǵa óte úlken somaǵa uzaq merzimdi nesıeler usynady.
Nesıe portfeliniń aı saıynǵy ósimi boıynsha ekinshi orynǵa SentrKredıt banki jaıǵasqan. Munda 8,8% qosymsha ósim bar. Bul shamamen 2 trln teńgege jýyq qarjy tóńiregindegi kórsetkish. Bank portfeliniń jyldyq ósimi 61,9%-dy qurady. Sońǵy aılardaǵy mundaı ósim ataýyn Eco Center Bank dep ózgertken reseılik burynǵy enshiles uıym Alfa-bankti ózine qosyp alǵannan keıin baıqaldy. Esterińizde bolsa, bıylǵy qyrkúıekte Eco Center Bank óz qyzmetin toqtatqanyn jarııalaǵan edi.
Úzdik úshtikti Eýrazııalyq bank túıindeıdi. Banktiń aı saıynǵy plıýsi 4,3%. Bir jyl ishinde bank portfeli 51,3%-ǵa ósken. Tólemdi uzaq ýaqyt keshiktiretin nesıe óteýshilerdiń bul banktegi úlesi 6,6% qurady. Bir jyl buryn bul kórsetkish 8,9 paıyz sheginde turautalǵan.
Qazirgi ýaqytta nashar úrdisi basym bankterdiń ondyǵyn burynǵy reseılik, keıin «Báıterek» UBH tulǵasynda memleketke ótken Bereke Bank (mámile bıylǵy 2 qyrkúıekte aıaqtaldy) bastap keledi. Bir aıda bank portfeli 4,3%-ǵa, bir jyl ishinde birden 45%-ǵa qysqarǵan. Bank portfelindegi NPL 90+ úlesi 8,3%-ǵa jetken. Bir aı buryn bul deńgeı 7,9% jáne bir jyl buryn 5,1% bolǵan.
Qazaqstandaǵy 21 ekinshi deńgeıli bankter arasynda aı saıynǵy dınamıka boıynsha 15 qarjy ınstıtýty, al jyldyq mánde 17 bank tabysty jumys istep keledi.
