Áriptestik eki jaqqa da tıimdi

Qazaqstan men Reseı arasyndaǵy ıntegrasııalyq baılanystar  orta jáne joǵary bilim berý isinen de keń kórinis taýyp otyr. M.О́temisov atyndaǵy Batys Qazaqstan memlekettik ýnıversıteti reseılik joǵary oqý oryndarymen birlesken jobalardy iske asyrýǵa múddeli. Osy maqsatta Oral qalasynda Reseıdiń Ýlıanov qalasynan kelgen ǵalymdar ózderi jasaqtaǵan ozyq jobalardy ortaǵa saldy. Ýlıa­nov memlekettik pedagogıka­lyq ýnıversıtetin jylyna myń­daǵan túlek támamdaıtyn bolsa, sonyń 75 paıyzy  – pedagog-mamandar. Kezdesý barysynda eki oqý orny birlesken oqý baǵdarlamasyn jasaý, qazaqstandyq magıstranttardyń Reseıde ǵylymı is-tájirıbeden ótýin qamtamasyz etý, stýdentter­diń áleýmettik jaǵdaıyn jaqsar­tý sekildi birneshe ınnovasııalyq jo­balardy talqylady. Kezdesý barysynda halyqaralyq ynty­maqtastyq aıasynda eki jaqty baılanysty nyǵaıtý úshin memo­ran­dýmǵa qol qoıyldy. – Reseılik joǵary oqý orny mamandary shaǵyn mektepterdegi jumys tá­ji­rıbesimen bólisti. Bul – elimizdegi bilim berý salasyndaǵy kúrdeli máselelerdiń biri. Osyǵan oraı shaǵyn mektepterge muǵalimder daıyndaýda Ýlıanov memlekettik pedagogıkalyq ýnıversıtetiniń mol tájirıbesi bar jáne bul jaǵynan da bo­la­shaqta jıi tá­ji­rıbe almasatyn bolamyz,  – deıdi M.О́temisov atyn­daǵy Batys Qazaqstan memlekettik ýnıversıtetiniń birinshi prorektory Áset Tasmaǵambetov. Al Ýlıanov memlekettik peda­go­gıkalyq ýnıver­sıtetiniń ǵyly­mı jumystar jónindegi prorektory Natalıa Ilınanyń aıtýynsha, eki jaqqa da óte tıimdi áriptes­tik baılanys tek pedagog mamandardy ǵana emes, jalpy áleýmet­tik-gýmanıtarlyq salada­ǵy kadr­lardy daıarlaý boıynsha da aı­qyn kórinis taýyp otyr. Bilim be­rý baǵdarlamasy aıasynda daıar­lyqtan ótken mamandar birden Reseıdiń jáne Qazaqstannyń dıp­­­lomyn ıelenedi. Taǵy bir basym­dyǵy,  akademııalyq utqy­rlyq negizinde bilim alatyn jas izdenýshi ǵalymdarmen birge magıstranttar men professorlyq-oqytýshylar quramynyń qatary da arta túsedi. Rıta SULTANǴALIEVA, M.О́temisov atyndaǵy Batys Qazaqstan memlekettik ýnıversıtetiniń  baspasóz hatshysy. ORAL.