«Abaı, Jambyl, Shyǵys Qazaqstan, Qaraǵandy, Ulytaý oblystarynda jáne elordada órtter jıilegeni baıqaldy», dedi Álıhan Smaıylov.
Mınıstrler kabınetiniń basshysy kóp jaǵdaıda pesh, gaz jáne elektr jylytý kezinde qarapaıym qaýipsizdik talaptaryn buzý alapat órtke alyp kelýi múmkin ekenin aıtty.
«Osy buzýshylyqtarǵa neǵurlym tıimdi den qoıý júıesin qurýǵa baǵyttalǵan sharalar qabyldaý qajet. Inspeksııalardyń ókilettikterin kúsheıtý boıynsha jumys júrgizý qajet. Azamattar anyqtalǵan buzýshylyqtardy joıýǵa jáne bolashaqta olardy boldyrmaýǵa múddeli bolýy kerek. Sonymen qatar avtonomdy qazandyqtardy turǵyn úılerden qaýipsiz qashyqtyqqa shyǵarý máselesi birneshe ret kóterildi. Buǵan da nazar aýdarý qajet», dedi Álıhan Smaıylov.
Premer-Mınıstr óńirlerdiń ákimderi bul máseleni tolyǵymen sheship, tıisti sharalar qabyldaýy tıis ekenin atap ótti.
