«Bul turǵyn úı keshenin jylý júıesine qosý qurylys kompanııasyna júktelgen. GPark jylý magıstralin salý arqyly úıdi jylýmen jabdyqtaýǵa qosýy kerek edi. Biraq qurylys kompanııasy salyp jatqan jylý magıstrali áli daıyn emes», dep habarlady Astana ákimdiginiń baspasóz qyzmeti.
Buǵan deıin «Ádildik joly» qoǵamdyq birlestiginiń dırektory Dıdar Smaǵulov áleýmettik jelide Astanadaǵy «Madrıd» turǵyn úı kesheniniń turǵyndary úılerinde jylý men ystyq sýdy qosýdy talap etip jatqanyn aıtqan bolatyn. Olar narazylyq retinde joldardy jabýdy josparlaǵan.
Ákimdik «GPark» kompanııasy úıdi alternatıvti joldar arqyly jylý júıesine qosýdy josparlap otyr dep jaýap berdi. Búginde qurylys kompanııasyna bul máseleni jedel sheshý tapsyryldy.
