Ashyq derekkózderde bılik partııalaryn qarjylandyrýǵa 1 mıllıard dollar jumsalatyny týraly aqparat taraǵan. Qarjy mınıstri bul aqparatqa túsinikteme berdi.
«Bul - ótirik. Biz tek Amanat partııasyn ǵana emes, májiliste otyrǵan barlyq partııalardy qarjylandyramyz», dedi Erulan Jamaýbaev.
Mınıstr qarjylandyrý aıasynda zańmen qabyldanǵan belgili bir esepteýler bar ekenin atap ótti.
«Qarajat zańmen qabyldanǵan esepteýlerdiń negizinde bólinedi. Jalpy, soma jaıly aıtatyn bolsaq, Parlamentte usynylǵan barlyq partııalarǵa shamamen 8 mlrd teńge bólinedi», dep túsindirdi Erulan Jamaýbaev.
Ol Parlamentte úsh partııa bar ekenin eske saldy.
