Ortalyq kommýnıkasııalar qyzmetinde ótken brıfıngte R. Konıashkın eGov.kz elektrondy úkimet portaly memlekettik qyzmet kórsetýge ótinishter qabyldanatyn júıe ekendigin túsindirdi.
«Memlekettik qyzmetterdiń ózi memlekettik organdardyń ártúrli aqparattyq júıelerinde kórsetiledi, olardyń sany óte kóp. Árbir mınıstrlikte memlekettik qyzmetterdi kórsetýdiń aqparattyq júıesi bar», dedi ol.
Onyń aıtýynsha, árbir memlekettik qyzmette kóptegen ıntegrasııalyq qyzmetter, ártúrli memlekettik aqparattyq júıeler arasynda derekter almasý bazalary bar.
«Eger qazirgi ýaqytta basqa memlekettik qyzmetterde qoldanylatyn kem degende bir shaǵyn qyzmet qoljetimdi bolmasa, bul ony alýǵa árekettenip otyrǵan belgili bir paıdalanýshy úshin memlekettik qyzmettiń qoljetimsizdigine ákep soǵady», dep qosty Rostıslav Konıashkın.
Ol qazir portaldyń turaqty jáne qoljetimdi bolǵanyn aıtty.
«Memlekettik qyzmetterdiń basym bóligi turaqty, aqaýsyz jumys isteıdi. Sondaı-aq eGov portalynyń turaqtylyǵy, onyń ishinde onyń basqa quramdas bólikteri: kóshi-qon shlıýzderi, elektrondyq úkimet jáne t.b. aıtarlyqtaı jaqsarǵanyn aıtqym keledi. Biz sońǵy 2 jylda qateler boıynsha biraz jumys bitirdik. Portaldyń qoljetimdiligin aıtarlyqtaı arttyrdyq.
Burynǵy ýaqyttardy eske túsirsek, ıá, belgili bir shaǵymdar boldy, endi men 2022 jyldyń tamyzynda portaldyń belgili bir aqaýy bolǵanyn moıyndaımyn. Biraq bul kóbinese ınfraqurylymǵa qatysty másele boldy», dep túıindedi R. Konıashkın.
