Jańa ereje «terrorıstik árekettermen baılanysty toptardyń jınalý bostandyǵyn shekteýge» arnalǵan.
Shvesııanyń negizgi zańyna engizilgen bul ózgerister Skandınavııa koroldiginiń NATO-ǵa kirýine tosqaýyl bolyp otyrǵan Túrkııanyń múddesi úshin jasaldy. Endi Shvesııaǵa Ankara lańkes dep sanaǵan kúrd uıymdarymen baılanysy bar adamdarǵa qarsy is qozǵaý ońaıyraq bolady.
Buǵan deıin, Shvesııa - Ankara ǵana emes, Vashıngton men Brıýsselde de lańkes dep tanyǵan uıym múshelerine eldi panalaýǵa múmkindik berip kelgen bolatyn. Alaıda álemdik saıası sıtýasııalar, ıaǵnı Reseıdiń Ýkraınaǵa basyp kirýinen keıin jaǵdaı ózgerdi. Endi Shvesııa NATO-ǵa kirýge ótinish berdi, biraq Túrkııa onyń kandıdatýrasyna qarsy boldy.
Oqıǵanyń basy, Túrkııanyń Fınlıandııa men Shvesııanyń NATO-ǵa kirýine qarsy ustanymy, atap aıtqanda, odaqtaǵy bolashaq odaqtastar Ankaranyń ulttyq qaýipsizdik máselelerinde alańdaýshylyqtaryn bólispeıdi degen qaýipke negizdelgen bolatyn. Túrkııa prezıdenti Rejep Taıyp Erdoǵan óz kezeginde Ankaraǵa bergen ýádeleri oryndalmaıynsha, Fınlıandııa men Shvesııanyń NATO-ǵa kirýine qatysty ustanymyn ózgertpeıtinin aıtty.
Sol sebepti Shvesııa Túrkııamen odaqtasý maqsatynda, birqatar ózgeris engizdi. Atalǵan zańnama da sonyń nátıjesi.
