Damýdyń dańǵyl joly

Sońǵy ýaqytta jer-dúnıede oryn alyp jatqan oqıǵalarǵa zer sala qarasaq, álemdik qaýymdastyqtyń halyqaralyq qatynastardaǵy shıelenistiń kúsheıýine alańdap otyrǵanyn ańdaımyz. Dese de, joǵary deńgeıde ótetin kezdesýler men onda qabyldanatyn mańyzdy sheshimder kez kelgen daǵdarystan shyǵýdyń joly mindetti túrde tabylatynyn kórsetedi. 1992 jyly Elbasy Nursultan Na­zarbaev keleshekte Azııa-Tynyq mu­hıty aımaǵynyń mańyzy artatynyn aıt­qan bolatyn. Ol sol kezdiń ózinde Azııa­daǵy ózara is-qımyl jáne senim sha­ralary uıymyn qurý týraly bastama kótergen edi. Ult kóshbasshysynyń tereń strategııalyq jáne kóregen bolja­my atalǵan úderisterdiń búginde naq­ty nátıjelermen bekı túskeninen kórinedi. Búgingi tańda damýdyń durys ári dańǵyl joly – ıntegrasııa. Inte­gra­sııalyq baılanystar jahandyq deń­geıde ǵana emes, óńirlik ortalyqtar aıasynda da shoǵyrlana alady. Qazaqstan – ıntegrasııalyq úderisterdiń bastamashysyna aınalǵan memleket. Elimizdiń bul taraptaǵy jobalaryna basqa elder de qoldaý bildirip keledi. Bul rette Prezıdentimizdiń G-Global týraly usynysynyń aıryqsha mańyzdylyǵyn aıtýǵa bolady. Ár óńir elimizdiń damýy men qaýipsizdigin qamtamasyz etýge óz úlesin qosa alady. Ishki turaqtylyqqa jetý tájirıbesi bizge qordalanǵan máseleler týraly aıtýdy ǵana emes, onyń túıini men sheshimin kórsetýge de quqyq beredi. Búkil álem daǵdarysqa shyrmalyp jatqan kezde, elimiz aldyna úlken maqsattar men mindetter qoıyp, oǵan jetýge, bıik údeden tabylýǵa qadam basyp otyr. Ony ár kezde quptaý kerek. Búginde Qazaqstan jahandyq máselelerdiń túıinin tarqatýǵa, ekonomıkany jańǵyrtý arqyly ónerkásiptiń barlyq salasyn jandandyrýǵa, ınnovasııalyq tehnologııany engizýge kúsh salyp jatyr. Osynaý az ýaqyt ishinde Qazaq­stan halyqaralyq qaýym­dastyqta óziniń ornyn aıshyqtaǵan memleketke aınaldy. Qazirgi kezde Qazaqstannyń usta­nymymen, pikirimen barlyq jurt sanasady. Bul bizdiń jınaǵan táji­­rıbemizdiń baǵalanatynyn jáne árdaıym mańyzdy ekenin ańǵart­sa kerek. Elbasy tańdaǵan ári qalyp­tas­­tyrǵan Damý strategııasy halyqty durys baǵytqa bastap bara jatqanyn kórsetedi. Lıdııa STOLIаROVA, D.Serikbaev atyndaǵy Shyǵys Qazaqstan memlekettik tehnıkalyq ýnıversıtetiniń professory. О́SKEMEN.