Aqmola oblystyq Densaýlyq saqtaý basqarmasy baspasóz qyzmetiniń málimetinshe, 55 jastaǵy er adamnyń ómirin saqtap qalý úshin dárigerler baryn saldy. Alaıda, túrli deńgeıdegi dene kúıigi men jaraqattardan naýqas reanımasııa sharalary kezinde kóz jumǵan.
«Saǵat 23.00-degi dıagnozy: «Qosarlanǵan polıtravma. Basy, denesi jáne oń jaq qolynyń, aıaǵynyń 2-3A dárejeli termııalyq kúıigi. Tynys alý joldarynyń kúıigi. Sol jaq aıaq tabannyń 3-4-5 súıekteriniń ashyq synyǵy. Sol jaq jilinshiktiń asyq jiliginiń proksımaldy metaepıfıziniń ornynan aýytqýsyz jabyq synyǵy. Sol aıaqtyń qysylý sındromy. Bas-súıek mıynyń jabyq jaraqaty. Mıdyń soqqy alýy. Tóbe súıeginiń sol jaq bóliginiń jaraqaty. 3-dárejeli travmalyq shok. Jaǵdaıy asa aýyr», delingen málimdemede.
