Qazirgi Memleket basshysy elordadaǵy Oqýshylar saraıynda ornalasqan №58 ýchaskede daýys berdi.
Qasym-Jomart Toqaev óziniń bıýlletenin alyp, onymen birge daýys berý kabınasyna kirdi. Daýys berip bolǵannan keıin Memleket basshysy jýrnalıstermen sóılesti.
«Búgin – óte mańyzdy, tarıhı kún. Elimizdiń jarqyn bolashaǵy úshin daýys berip otyrmyz. Shyn máninde, bıyl ońaı bolǵan joq. Biraq halqymyz jumylyp, qıyndyqtardyń bárin eńserdi. Endi aldymyzda turǵan óte aýqymdy mindetter, maqsattar bar. Atqaratyn jumys áli de kóp. Saıası reformalar júzege asyrylyp jatyr. Jazda jalpyulttyq referendým ótti. Endi, mine kezekten tys Prezıdent saılaýy ótkizilip jatyr. Keleshekte bul jumystar jalǵasa beredi», dedi Qasym-Jomart Toqaev.
Búgin Qazaqstanda kezekten tys prezıdent saılaýy ótip jatyr. Alǵashqy saılaý ýchaskeleri tańǵy 6:00-de ashyldy.
