Saılaý ýchaskesine alǵashqylardyń biri bolyp qazaqstandyq stýdent Álibek Dúısenbekov keldi. Jas jerlesimiz saılaýǵa alǵash ret qatysyp otyrǵanyn aıtty.
«Men bul kúndi kópten kúttim. Ata-anam únemi daýys beretin, men ózimniń saılaýǵa qashan qatysatynymdy qyzyǵa kútetinmin. Saılaýǵa qatysý árbir qazaqstandyqtyń azamattyq boryshy dep bilemin. Sondyqtan men erte kelip, birinshi bolyp daýys berdim», dedi Álibek.
Álibek Dúısenbekov qazir Brıýssel ýnıversıteti, tarıh fakýltetiniń birinshi kýrs stýdenti.
«Men bala kezimnen tarıhqa qyzyǵamyn. Belgııada men Qazaqstanmen baılanysty muralardy zerttegim keledi. Qazaqstannyń tarıhy óte baı, men Eýropanyń kitaphanalarynan týǵan jerge qatysty materıaldardy zerttegim keledi», dedi jas jerlesimiz.
Aıta keteıik, Belgııada daýys berý jergilikti ýaqyt boıynsha 20:00-ge deıin (Astana ýaqyty boıynsha 01:00-ge deıin) ótedi.
