Qazaqstandyq ǵalymnyń ónertabysynyń kómegimen sharýalar birneshe jumysty bir tehnıkanyń kómegimen júzege asyra alady. Sonymen qatar bul otyn shyǵynyn 3 ese, gazdyń atmosferaǵa shyǵýyn 2-3 esege azaıtady, al ónimdilik 10-15%-ǵa kóbeıedi. Innovasııalyq qurylǵynyń Qazaqstan jáne TMD memleketterinde balamasy joq.
«Men eńbek jolymdy aýylda bastadym jáne sharýalardyń jumysy qanshalyqty aýyr ekenin bilemin. Shetelde taǵylymdamadan ótýim, aýylsharýashylyq óndirisindegi kópjyldyq eńbegim ǵalym retinde qalyptasýyma yqpal etti. Taıaýda bul ázirlemem jappaı óndiriske shyǵady dep senemin», dep atap ótti Nurlybaı Manabaev.
Ol «Bolashaq» baǵdarlamasymen K.A.Tımırıazev atyndaǵy Máskeý aýylsharýashylyq akademııasynda ǵylymı taǵylymdamadan ótken. Aıta ketelik, ǵalymnyń traktor tirkemesi jer jyrtady, egistik tegisteıdi, aryq qazady. Bul tehnıkany jasaýǵa temir de az ketedi. Iаǵnı 800 kıloǵa deıin jeńildeıdi. Ǵalym tehnıkany patenttep te úlgergen eken. Endi demeýshi tabylyp jatsa, jappaı óndiriske shyǵarýǵa ázir. Shymkent qalalyq aýyl sharýshylyǵy jáne veterınarııa basqarma basshysynyń orynbasary Qaırat Bazarbekov atalǵan joba óndiriske engizý múmkindigine ıe ekenin jetkizdi.
