Al elektorattyń 70 paıyzǵa jýyǵy qatysýy sarapshylardyń boljamyna sáıkes keledi. Árıne, halyqtyń Q.Toqaevtyń jeńisine senimi, iri qalalardaǵy dástúrli enjarlyq, aýa raıynyń salqyndyǵy saılaý belsendiligine áser etýi múmkin edi. Biraq, jalpy alǵanda, saılaý nátıjesi azamattardyń Toqaevtyń saıası jáne ekonomıkalyq ýádelerine degen úlken úmitin kórsetedi.
Jalpy, aldaǵy jeti jylda Q.Toqaevtyń saılaýaldy baǵdarlamasy júzege asady, qoǵam ómirine jáne ekonomıkanyń jetekshi salalarynda túbegeıli ózgerister bolady. Aımaqtyq máselelerge erekshe kóńil bólinedi. Memleket basshysy óńirlerge jasaǵan saparlarynda jergilikti jerdegi ózekti máselelerdi aıtyp, olardy sheshýdiń naqty joldaryn usyndy.
Osy naýqan barysynda Prezıdent jaqsy qarym-qatynas daǵdysyn kórsetti. Ol turǵyndardyń tilin taýyp, ár eldi mekenniń jaǵdaıyn senimdi túrde túsinetinin kórsetti, olardyń qıyndyqtary men ósý tustaryn anyqtady. Bul – memlekettik basqarýdyń búkil deńgeıinde qabyldanýǵa tıis ashyq kommýnıkasııa úlgisi.
Reformalardyń maqsattary men mindetteri týraly ortaq túsinik, sondaı-aq árbir negizgi baǵyt boıynsha dáıekti is-sharalar jospary bar. Q.Toqaevtyń saıası jáne tarıhı murasy osy jospardyń sátti júzege asýyna baılanysty bolmaq.
Baqytjan QURMANOV,
saıasattanýshy, PhD
