Otyrysty ashqan Qazaqstannyń Reseıdegi elshisi Ermek Kósherbaev qatysýshylardy Ortalyq saılaý komıssııasy jarııalaǵan daýys berýdiń aldyn ala qorytyndylarymen tanystyrdy. Málimetterge sáıkes, saılaýshylardyń 69,44 paıyzy qatysqan. Qazirgi Memleket basshysy Qasym-Jomart Toqaev 81,31% daýyspen jeńiske jetti.
Reseıdiń kórnekti dıplomaty, RF SIM Dıplomatııalyq akademııasynyń eks-rektory Evgenıı Bajanov saılaý tamasha jáne úzdik álemdik standarttarǵa saı ótti dep esepteıdi. Bajanov qazaq halqyn tamasha tańdaýymen quttyqtady.
«Qasym-Jomart Kemeluly – kórnekti memleket qaıratkeri, orasan ómirlik jáne tabysty basqarý tájirıbesi bar tulǵa», dep atap ótti dıplomat.
Reseılik jazýshy, «Belgisiz Qazaqstan» kitabynyń avtory Iýrıı Sıgovtyń aıtýynsha, Toqaevtyń aldaǵy prezıdenttik merziminiń basty nazary ishki saıasatqa aýdarylady. О́ıtkeni oǵan halyqtyń ómir súrý deńgeıin kóterý máselelerin sheshý qajet bolady. Osyǵan baılanysty jazýshy Meksıka prezıdenti Obradordyń «Eń jaqsy syrtqy saıasat – ishki saıasat» degen sózin keltirdi. Iýrıı Sıgov Qazaqstandaǵy birtutas prezıdenttik merzim ıdeıasyn da durys dep atap, Meksıka tájirıbesine toqtaldy.
RF prezıdenti janyndaǵy Reseı halyq sharýashylyǵy jáne memlekettik basqarý akademııasy Korporatıvtik basqarý joǵary mektebiniń dekany Sergeı Kalendjıan ǵylym jáne bilim salasyndaǵy yntymaqtastyqtyń nyǵaıa túsetininen úmitti.
«Bıyl aqpan aıynda ǵana Qazaqstanda Reseı joǵary oqý oryndarynyń fılıaldaryn qurý týraly kelisimge qol qoıyldy. Al qyrkúıekte Almatyda Máskeý ınjenerlik fızıka ınstıtýtynyń fılıaly jáne Atyraýda I.Gýbkın atyndaǵy Reseı memlekettik munaı jáne gaz ýnıversıtetiniń fılıaly ashyldy», dep eske saldy ǵalym.
Ekonomıkalyq aspektige «Ekonomıka joǵary mektebi» Ulttyq zertteý ýnıversıtetiniń Memlekettik jáne mýnısıpaldyq basqarý ınstıtýty Ekonomıkalyq saraptama ortalyǵynyń dırektory, Energetıka jáne qarjy ınstıtýtynyń prezıdenti Marsel Salıhov toqtaldy. Onyń pikirinshe, Reseı ekonomıkasyndaǵy qazirgi kúrdeli jaǵdaı Qazaqstan úshin úlken múmkindik.
«Reseıden ketken batys kompanııalary burynǵysynsha onyń naryǵyna basa nazar aýdaratyn bolady. Al Qazaqstan munda tamasha tranzıttik alań retinde áreket ete alady. О́z kezeginde jaqsy jaǵdaı jasaý arqyly Reseı azamattarynyń edáýir bóligin Qazaqstanǵa kóshirý, adam kapıtalyn tartýǵa múmkindik beredi», deıdi sarapshy.
Qazaq KSR-niń eńbek sińirgen mádenıet qaıratkeri Tatıana Poltavskaıa-Gabelko 2015 jáne 2019 jyldary Qazaqstandaǵy prezıdenttik saılaýda baqylaýshy bolǵanyn eske aldy. Onyń pikirinshe, qazir Qasym-Jomart Toqaev dúbirli dúnıede mańyzdy mindetterdi sheshýi kerek.
«Kóp jyldardan beri Qazaqstanda turmasam da, týǵan jerimde bolyp jatqan oqıǵalar meni beı-jaı qaldyrmaıdy. Men Qazaqstannyń gúldenýin tileımin», dedi ol.
Dóńgelek ústeldi qorytyndylaı kele, qatysýshylar halyq seniminiń jańa mandaty Qasym-Jomart Toqaevqa aýqymdy saıası jáne áleýmettik-ekonomıkalyq qaıta qurýlardy jalǵastyrýǵa múmkindik beretinin atap ótti.
