2020 jyly azamatsha G.S. Narymbetova jalǵan aqparat berý arqyly azamattardan aqshalaı qarajat alǵan.
«Ol qarjy shemasyn quryp, onda tartylǵan aqsha qarajaty boıynsha kiris olardy paıdaly aktıvterge salý esebinen emes, jańa ınvestorlardan 200 000 teńgeden 25 000 000 teńgege deıingi somadaǵy aqshalaı qarajatty tartý esebinen salym somasynyń 10% - dan 40% - na deıingi mólsherde tólenetinin aıtqan. Qylmystyq áreketten anyqtalǵan zalal 222 mln teńgeden asty, onyń 131 mln teńgesi sottalýshynyń óz erkimen óteldi», dep habarlady baspasóz qyzmetinen.
Sot úkimimen Gúlzat Serikqyzy Narymbetova 5 jyl 6 aı merzimge bas bostandyǵynan aıyrý túrindegi jaza taǵaıyndaldy.
Buǵan deıin Qaraǵandyda qarjy pıramıdasyn qurǵan taǵy bir áıeldiń sottalǵany habarlanǵan bolatyn. Azamat Iаkovleva I.V. 2015 jyldyń naýryzynan 2020 jyldyń sáýirine deıin Qaraǵandy jáne Pavlodar oblystarynda «Lıder Kapıtal 168 mıkroqarjy uıymy» JShS fılıaldaryn ashyp, sol qarjy pıramıdasyn basqarǵan.
Sot úkimimen Iаkovleva Irına Vıktorovna kináli dep tanylyp, oǵan qarjy uıymynyń, banktik jáne (nemese) saqtandyrý holdınginiń basshy qyzmetkeri laýazymyn atqarý quqyǵynan, 7 jyl merzimge qarjylyq uıymnyń qatysýshysy quqyǵynan aıyra otyryp, 9 jyl merzimge bas bostandyǵynan aıyrý jazasy taǵaıyndaldy.
