Pikir • 24 Qarasha, 2022

Júrekten shyqqan júrekke jetedi

24 ret kórsetildi

Ortalyq saılaý komıssııasynyń qorytyndysymen el tanys boldy: kezekten tys saılaýǵa qatysqan Prezıdentimiz halyqtyń qoldaýymen qara úzdi. Bes úmitkerdiń arasynan saılaýshylardyń 81,31 paıyz daýysyn alý degenińizdiń ózi biraz dúnıeniń bolmysyn ańǵartsa kerek. Iаǵnı kóp tileýi solaı bolsa, ol – tańdaý túsken tulǵanyń memleket júgin órge súıreýge ábden laıyqty bolǵany da.

Kezekten tys bolǵan osy saı­laýdyń tóńireginde qozǵalǵan keıbir áńgi­melerge toqtala ketsek. Máselen, oppozı­sııalyq kózqarastaǵy bázbir otandas­tarymyz saılaýǵa túsken úmitker­lerdiń el ishinde tanymaldylyǵy tómen bolǵanyn aıtyp, munyń ózi saıası naýqan­nyń abyroı-bedeline nuqsan keltirýi múmkin degen sóz taratqany belgili. Al shyntýaıtynda, táýekel etip, dodaǵa túsken kandıdattardy laıyqty­lardyń tiziminen syzyp tastaýǵa áste bolmas edi. Nege deseńiz, olardyń qaı-qaısysyn alsańyz da, óz salasynyń bilgir mamany, oıyn ashyq jáne erkin jetkize alatyn bilimdi, sanaly azamattar-tuǵyn. Jáne olar ózderiniń bul qasıet­terin saı­laýaldy naýqan kezinde ispen dálel­dep kórsetti de. Úmitkerlerdiń jańa Qa­zaqstannyń bolashaǵyn jarqyn etý jo­lyndaǵy ońdy oı-pikirleri men us­tamdy usynystarynyń kóptiń kókeıinen shyqqanyn da joqqa shyǵarýǵa
bolmas.

Sóz joq, osyndaı jasampazdyqty janyna serik etken kandıdattardyń kele­shektegi saıası mansabynyń kúni erteńgi Parlament saılaýynda kókke órlemese, quldyramasy aıdan anyq. О́ıtkeni olardyń da kózdegeni – eldiń erteńi, bolashaq urpaqtyń qamy.

Keıbir táýelsiz baıqaýshylar daýys berý kezinde maıda-shúıde kemshilikterdiń bolǵanyn aıtty. Álbette, aýqymdy sha­rýalar atqarylyp jatqanda, usaq-túıek kem­shilikterdiń mindetti túrde bola­tynyn eshkim joqqa shyǵara almaı­dy. Tek mundaı olqylyqtardyń qolda­nys­taǵy zańǵa, ortaq múddege qııanatynyń bolmaǵany abzal.

Sonymen Qazaqstan halqy óziniń tańdaýyn jasap, aldaǵy jeti jylda mem­leketimizdiń tuǵyryn nyǵaıtyp, mereıin ústem etetin tulǵany Prezıdent etip saılady. О́mirimizdegi oń ózgeristerdiń jylymyǵyn, saıası reformalardyń sharapatyn shyn mánisinde sezine bastaǵan jurttyń basqasha sheshim qabyldaýy múmkin emes te edi.

Uzaq jyldan beri ýádeden yǵyr bolyp, turmystyń júdeýliginen qa­jyp, senimine selkeý túsken eldiń endigi jerde talaby da kúsheıe túspek. Halyq elimizde ádilettiń, zań­nyń ústemdik qurǵanyn qalaıdy. Otan­dastarymyz óziniń taǵdyryn qoǵam­nyń denesine súlikshe jabysqan sybaılas jemqorlyqtyń dertin sylyp tastap, jerimizdiń asty-ústindegi baılyq­tyń yryzdyǵyn árbir azamattyń ıgili­gine jaratýdy asyl muraty sanaı­tyn Memleket basshysymen baılanys­tyr­ǵysy keledi.

О́ziniń saılaýaldy baǵdarlamasyn jarııa etkende Memleket basshysy bylaı degen bolatyn: «Men usynyp otyrǵan baǵdarlama «Ádiletti Qazaqstan: bárimiz jáne árqaısymyz úshin» dep atalady. Onyń ár tarmaǵyn ózim jazdym. Bul baǵdarlama meniń júregimnen shyqty dep aıtsam, artyq bolmaıdy. Bizdiń bir ǵana maqsatymyz bar. Bul – ádiletti Qazaqstandy qurý».

Iá, júrekten shıryǵyp shyqqan júrekke sharyqtap jetedi. Bul – dáleldi qajet etpeıtin shyndyq! Sóz sabaǵyn túıinder bolsaq, joǵaryda áńgime qylǵannyń bári jańadan jeti jyl merzimge saılanǵan Qasym-Jomart Kemeluly Toqaev syndy álemdik deńgeıdegi saıasatkerdiń qolynan keledi dep nyq senimmen aıtýǵa bolady.

 

Qaırat ÁBILDA,

«Saryarqa Aqparat» medıaholdınginiń dırektory

 

QARAǴANDY

Sońǵy jańalyqtar

Aýyldy jaqsarta almasaq, bárimizge syn

Qazaqstan • Búgin, 22:09

Túıtkili kóp turǵyn úı

Saıasat • Búgin, 22:02

Ońaltý qyzmeti syn kótermeıdi

Qoǵam • Búgin, 21:55

Jas sarapshylar taldaýy

Saıasat • Búgin, 21:50

Ketigin tapqan kásiporyn

Ekonomıka • Búgin, 21:21

Kontrabandaǵa qarsy kúres

Qoǵam • Búgin, 21:17

Qaterli isikti emdeýdiń jańa ádisi

Medısına • Búgin, 21:15

Jumysshylarǵa suranys kóp

Qoǵam • Búgin, 21:09

Aıan týraly baıan

Rýhanııat • Búgin, 21:07

eGov Mobile qosymshasyna júginedi

Qoǵam • Búgin, 21:06

Qurylysty sıfrlandyrý deńgeıi tómen

Qazaqstan • Búgin, 21:05

Úzdikter anyqtaldy

Fýtbol • Búgin, 21:04

Jigitter jigersizdik tanytty

Sport • Búgin, 21:03

Fransııa – pleı-offta

Fýtbol • Búgin, 21:01

Baqyttyń mekenin ulyqtaǵan joba

Qoǵam • Búgin, 20:58

Aıazdaǵy apat

Aımaqtar • Búgin, 20:57

Arheolog asýlary

Qoǵam • Búgin, 20:54

Uqsas jańalyqtar