Senatordyń aıtýynsha, bul tas joldy salýdyń jobalyq-smetalyq qujattamasy 2016-2017 jyldary ázirlengen. Qurylys 2020 jyly aıaqtalýy kerek edi. Bul faktor, sondaı-aq jol-qurylys materıaldary baǵasynyń keıinnen kúrt ósýine, naqtylaı aıtqanda aldyn ala esepteýler boıynsha qurylys jumystary qunynyń 128 mlrd teńgege ósýine ákeldi.
«2019 jyly «QazAvtoJol» AQ málimetinshe, jol irgetasynyń tómengi qabatynyń qurylysy nebári 1,3%-ǵa ǵana aıaqtaldy. Iаǵnı, 726 shaqyrymnyń 9,2 shaqyrymy, jol negiziniń joǵarǵy qabaty - 1,1 paıyz, 8,2 shaqyrym, jol tóseminiń tómengi qabaty - 1,1 paıyz, 6 shaqyrym. Bul jumystarǵa 1798 adam, 998 jol-qurylys tehnıkasy jumyldyryldy. 2020 jyly bul kórsetkishter sáıkesinshe 20% - 142 km jáne 25% qurady. 2165 adam men 1042 tehnıka jumyldyrylǵan. Osyǵan baılanysty, kórsetilgen kezeńderde tartylǵan jumys kúshi men tehnıka sanymen oryndalǵan jumystyń aıtarlyqtaı salystyrmaly dısproporsııasy ózine nazar aýdartady», dedi senator.
Senator qazirdiń ózinde júrgizilgen jumystardyń nátıjesin joǵaltý qaýpi joǵary ekenin atap ótti. Máselen, qazir asfalt-beton jabyndysynyń tómengi qabaty ǵana tóselgen ýchaskelerde qozǵalys ashyq tur. Bul onyń mindetti túrde buzylýyna, demek, asfalttyń joǵarǵy qabatyn salý kezinde problemalarǵa ákelip soǵady.
