Qazaqstan • 24 Qarasha, 2022

Aýyl turmysyn jaqsartýǵa 128 mlrd teńge bólindi

21 ret kórsetildi

Premer-Mınıstrdiń birinshi orynbasary Roman Sklıar Qazaqstandaǵy aýyldardy damytý máselesine toqtalyp, «Aýyl – el besigi» baǵdarlamasyna jumsalǵan qarjyny atady, dep habarlaıdy Egemen.kz

Onyń aıtýynsha, bıyl 576 aýyldyń turmysyn jaqsartý jobasyna 128 mlrd teńge bólingen. Onyń 91 mıllıony turǵyn úı-kommýnaldyq sharýashylyǵyna, 454 mıllıony áleýmettik ınfraqurylymǵa, 511 mıllıony kólik ınfraqurylymyna jumsaldy.

Qazaqstanda 6 293 aýyldyq eldi meken bar. Onda 8 mıllıonǵa jýyq adam turady, ıaǵnı halqymyzdyń 41 paıyzy.

«2019 jyldan beri elimizde «Aýyl - el besigi» jobasy júzege asyrylýda. Onyń maqsaty áleýeti bar 3,5 myń aýyldyń ınfraqurylymyn damytý. 2019-2021 jyldary bul jobaǵa 200 mıllıard teńge bólindi. Qajetti ınfraqurylymdar 665 aýylda jasaldy.  Aýyldyń jaǵdaıyn jaqsartýǵa jeke ınvestorlar da óz úlesin qosýda. 2019 jyldan beri olar 57 mıllıard teńge ınvestısııa salyp, 2 myńǵa jýyq jobany júzege asyrdy», dedi Roman Sklıar Senat otyrysynda.

Kelesi jyly atalǵan maqsat boıynsha 663 aýyldy jaqsartýǵa 140 mlrd qarjy bólinedi.

«Aýyl turǵyndarynyń basty máselesi - jumyspen qamtý. Bul baǵytta ne istep jatyrmyz? «Bastaý-Bıznes» jobasy boıynsha 66 myń adamdy kásipkerlikke oqyttyq. 10 myń aýyl turǵyny óz isin ashýǵa jalpy somasy 50 mıllıard teńge nesıe aldy. Buryn Jambyl oblysynda pılottyq shara júrgizdik, soǵan sáıkes aýyl turǵyndaryna ÁKK arqyly 2,5 paıyzben nesıe berildi. Kelesi jyldan bastap barlyq aımaqtarǵa beremiz. Bul úshin 52 mıllıard teńgeden astam qarjy bólemiz. Osy arqyly 11 myń jumys orny ashylady dep kútýdemiz», dedi Roman Sklıar.

Sońǵy jańalyqtar

Ekibastuz turǵyndary jylýsyz qaldy

Aımaqtar • Búgin, 10:52

ShQO-da taǵy birneshe jol jabyldy

Aımaqtar • Búgin, 10:42

27 qarashaǵa arnalǵan aýa raıy boljamy

Aýa raıy • Búgin, 09:13

Almaty mańynda jer silkindi

Aımaqtar • Keshe

Uqsas jańalyqtar