Qazaqstan • 24 Qarasha, 2022

Mal dárigerleriniń jalaqysy 50 paıyzǵa ósedi

32 ret kórsetildi

2023 jyly veterınarlardyń jalaqysy 50 paıyzǵa ósedi. Bul týraly Senat otyrysynda Premer-Mınıstrdiń birinshi orynbasary Roman Sklıar málimdedi, dep habarlaıdy Egemen.kz.

«2023 jyldyń 1 naýryzyna deıin biz Úkimetke aýyldyq aýmaqtardy damytý tujyrymdamasyn engizemiz. Ol 10 baǵyttan turady. Ár baǵyt úshin belgili bir krıterııler bar. Ulttyq ekonomıka mınıstrligi ortalyq jáne jergilikti atqarýshy organdardyń is-áreketterin úılestiredi», dedi Roman Sklıar.

Bul rette, Roman Sklıar aýyl sharýashylyǵyn damytý máselelerine toqtalyp ótti.

«Eger aýyl sharýashylyǵy damymasa, aýyl turǵyndarynyń ómiri túzetilmeıdi. Biz muny jaqsy bilemiz. Bul baǵytta qandaı jumys jasaldy? Prezıdenttiń tapsyrmasy aıasynda veterınarııa salasy reformalanýda. Reformalardyń maqsaty - ortalyq pen óńirler arasynda mindetterdi bólý, mal dárigerleriniń mártebesin kóterý, olardyń jalaqysy men áleýmettik qoldaýyn arttyrý. Jyl sońynda Parlamentke tıisti zań jobalaryn engizemiz», dedi Premer-Mınıstrdiń birinshi orynbasary.

Onyń aıtýynsha, bıyl veterınarlardyń jalaqysy 50%-ǵa ósken. 2023 jyly olardyń jalaqysy taǵy 35-50%-ǵa ósedi.

«Veterınarlarǵa eki aılyq saýyqtyrý járdemaqysy tólenedi. Sondaı-aq veterınarııany sıfrlyq formatqa aýystyrý boıynsha júıeli jumys jasaımyz», dep tolyqtyrdy Roman Sklıar.

Sońǵy jańalyqtar

Ekibastuz turǵyndary jylýsyz qaldy

Aımaqtar • Búgin, 10:52

ShQO-da taǵy birneshe jol jabyldy

Aımaqtar • Búgin, 10:42

27 qarashaǵa arnalǵan aýa raıy boljamy

Aýa raıy • Búgin, 09:13

Almaty mańynda jer silkindi

Aımaqtar • Keshe

Uqsas jańalyqtar