Oqıǵa • 24 Qarasha, 2022

Elorda turǵyny sýǵa qulap ketken balany qutqaryp qaldy

31 ret kórsetildi

Oqıǵa tańǵy mezgilde Esil ózeninde bolǵan. Áli qata qoımaǵan muz ústimen júrip, mysyqqa qaraı jaqyndaǵysy kelgen 11 jastaǵy bala sýǵa túsip ketken, dep habarlaıdy Egemen.kz.

Ony «Alataý» sport kesheniniń aýdanynda serýendep júrgen Elena Shelestıýk esimdi qala trǵyny baıqap qalǵan. 

– О́kinishke qaraı, men júze almaımyn, biraq qazir seni alyp shyǵamyz dep barynsha balany jigerlendirýge tyrystym. Osy sátte men balaǵa muzdy sýdan shyǵýǵa kómektesý úshin jolǵa júgirip, kólikterdi toqtata bastadym. Sodan keıin beı-jaı qaramaıtyn júrgizýshilermen birge balany ózennen shyǵaryp aldyq. Bul ońaı bolǵan joq – balanyń kıimi sý bolyp qalǵan, aýyr rıýkzagi ábden sýǵa tolyp ony tómen qaraı tartqan, onyń ústine bala qatty qorqyp qalǵandyǵy sonsha ol óz betinshe kúrese almaǵan. Soǵan qaramastan, biz balany jaǵaǵa shyǵaryp aldyq,  – dep eske alady Elena Vıktorovna.

Sodan keıin bala dereý aýrýhanaǵa jetkizilgen. Onda oǵan qajetti medısınalyq kómek kórsetildi. Qazir dárigerler onyń jaǵdaıyn turaqty dep baǵalady.

«Kámeletke tolmaǵan bala jattyǵýdan shyqqannan keıin ózenniń boıymen úıine bara jatqan sátte muzda otyrǵan mysyqty baıqaǵan. Bala mysyqqa qaraı jaqyndap, juqa muzdy basqan bette muz birden jarylyp, bala sýǵa túsip ketken», dep jazylǵan IIM taratqan habarlamada.

Balanyń anasy men polısııa qyzmetkerleri adam ómirin saqtap qalǵany úshin batyl áıelge alǵys bildirdi.

Astana qalasy PD bastyǵy Marat Tólebaevtyń atynan erjúrek qala turǵynyn Almaty aýdany PB bastyǵy Serik Ábýtálipov qol saǵatpen marapattady.

Sońǵy jańalyqtar

Ekibastuz turǵyndary jylýsyz qaldy

Aımaqtar • Búgin, 10:52

ShQO-da taǵy birneshe jol jabyldy

Aımaqtar • Búgin, 10:42

27 qarashaǵa arnalǵan aýa raıy boljamy

Aýa raıy • Búgin, 09:13

Almaty mańynda jer silkindi

Aımaqtar • Keshe

Uqsas jańalyqtar