Qoǵam • 25 Qarasha, 2022

Tórt merdiger lısenzııadan aıyryldy

37 ret kórsetildi

Prezıdent janyndaǵy Ortalyq kommýnıkasııalar qyzmetinde Indýstrııa jáne ınfraqurylymdyq damý mınıstrligi Avtomobıl joldary komıteti tóraǵasy, «Jol aktıvteriniń ulttyq sapa ortalyǵy» RMK bas dırektory jáne «QazAvtoJol» UK» AQ basqarma tóraǵasynyń qatysýymen brıfıng ótti.

Jol aktıvteriniń ulttyq sapa orta­lyǵynyń bas dırektory Zamır Saǵynov kásiporynnyń jumysy týraly aıtyp berdi. Osy jyly Sapa ortalyǵy jol-qurylys materıaldarynyń 29 myń úlgi­sinen synama alǵan. Onyń 9 myńy res­pýblıkalyq jeli boıynsha bolsa, 20 myń synama jergilikti jelige tıesili. Sonyń ishinde 7,3 myń materıal synamasy nemese 24% belgilengen normatıvtik talaptarǵa sáıkes kelmeıdi. Osylaısha, respýblıkalyq jeli boıynsha 13% (1 166), jergilikti jeli boıynsha 30% (6 234) sáıkessizdik anyqtaldy. Sonymen qatar sapa saraptamasymen jergilikti jeli boıynsha iske asyrylatyn barlyq jobanyń nebári 63%-y, al respýblıkalyq joldar boıynsha barlyq joba qamtylǵan.

Tehnıkalyq qadaǵalaýda oryn al­ǵan buzýshylyq faktileri boıynsha óńir­lik Memlekettik sáýlet qurylysy basqar­malaryna ótinishter joldanýda. 2020 jyldan beri Sapa ortalyǵynyń joldaǵan ótinishteri boıynsha 81 tehnı­kalyq qadaǵalaý qyzmeti ákimshilik jaýap­kershilikke tartylsa, 56 ınjenerdiń attestaty óz kúshin joıǵan. Sondaı-aq 4 merdiger uıym jol qurylys jumystaryn júrgizý lısenzııasynan aıyrylǵan (2020 jyly – 2, 2022 jyly – 2). Jalpy, salynǵan aıyppul somasy – 110 mln teńge.

О́z sózinde bas dırektor Z.Saǵynov jol jóndeý jumystarynda paıdalanylatyn bıtýmnyń sapasyna da toqtalyp ótti.

«Bıyl Sapa ortalyǵy munaı óń­deý zaýyttary, asfalt zaýyttary já­ne bıtým qoımalarynan 900-ge jýyq jol bıtýmynyń úlgisin paıdalanyp, synap kórdi. Onyń ishinde 232 synama (26%) sapa standarttaryna sáıkes kelmeıtini anyqtaldy. Osyǵan baılanys­ty bıtým sapasyna qatysty másele­lerdi tereń zertteý úshin Avtojol komı­te­t­iniń tapsyrmasyna sáıkes Sapa ortalyǵy bazasynda bıtýmdy jáne polımerli-modıfıkasııalanǵan bıtýmdy baılanystyrǵyshtardy zertteý jónindegi ortalyq zerthana quryldy, ol zamanaýı jabdyqtarmen jaraqtandyrylýda», – dedi Z.Saǵynov.

Atalǵan ortalyq Nazarbaev ýnıver­sıteti professorlarymen birlese elimiz­diń ártúrli óńirlerindegi naqty kólik paıdalaný jáne klımattyq jaǵdaılardy eskere otyryp, asfaltbetonnyń berik­tik sıpattamalaryn arttyrý, jóndeý­aralyq qyzmet merzimin ulǵaıtý boıyn­sha sheteldik tájirıbeni zerdeleýde. Sondaı-aq L.N.Gýmılev atyndaǵy EUÝ-men birlese sement-beton jabyny bar avtojoldarda aqaýlardyń paıda bolý sebepterin anyqtaý boıyn­sha ǵylymı-zertteý jumystary júrgizilýde. Jumystyń qorytyndysynda qoldanys­taǵy normatıvterge ózgerister engizý boıyn­sha usynystar beriletin bolady.

Sońǵy jańalyqtar

Jańa baǵyt

Saıasat • Keshe

О́rt: qaýip pen saqtyq

Tótenshe jaǵdaı • Keshe

Jańa kólikter tabystaldy

Aımaqtar • Keshe

Qobyz ulyqtalǵan kesh

Qoǵam • Keshe

Esirtkige esirgender

Qoǵam • Keshe

El qorǵany er Bógenbaı

Tarıh • Keshe

Ultqa qyzmet etýdiń úlgisi

Ádebıet • Keshe

Tulǵa týraly týyndy

Ádebıet • Keshe

Jolbarys jymy

Ádebıet • Keshe

Jıyrmasynda jalyn keshken

Poezııa • Keshe

El senimin jalǵaǵan joba

Ekologııa • Keshe

Jelaıaqtar Astanada jınalady

Jeńil atletıka • Keshe

Jádiger bolyp jetken alǵys

Jádiger • Keshe

Jánibekti jekpe-jekke shaqyrdy

Kásipqoı boks • Keshe

Otpan taýdaǵy salbýryn

Qoǵam • Keshe

Uqsas jańalyqtar