19 jastaǵy jigit Temirlan tas joly men Mangeldın kóshesiniń qıylysynda ornalasqan kópirden sekirýge oqtalǵan.
Baılanys quraldary arqyly shuǵyl aqparat alǵan 6506 áskerı bóliminiń jasaqtar boıynsha kezekshisi aǵa leıtenant Serjan Saǵynbek birden shara qoldanady. Ol dereý qaramaǵyndaǵy jaýyngerler efreıtor Nurdáýlet Orazbaev jáne qatardaǵy Vıtalıı Kochetkovpen birlesip, habarlamada kórsetilgen mekenjaıǵa jyldam kelip jetedi.
– Aqparatta aıtylǵan jerge kelsek, rasymen de jas jigit kópirden ózin-ózi tastaýǵa daıyn tur eken. Birden oǵan bet alyp, raıynan qaıtarýǵa tyrystyq. Ol «О́mir súrgim kelmeıdi», «О́lgim keledi» dep aıqaılap jatty. Eptep kópir qorshaýynyń bergi jaǵyna ótkizdik, – deıdi aǵa leıtenant Serjan Saǵynbek.
Jedel ári kásibı túrde áreket etken áskerı qyzmetshiler jas jigitpen jaqynyraq sóılesip, bul nıetiniń durys emestigin túsindirdi. Sol mańdaǵy ótkinshiler de jigitti bul áreketinen bas tartýǵa shaqyrdy. Eki oıly turǵan azamat sál tynyshtalǵanda, ulandyqtar men jolaýshylar ony uzaqtaý jerge alyp ketti. Tynyshtandyryp, oqıǵa ornyna kelgen quqyq qorǵaý qyzmetkerlerine tapsyrdy. 2003 jyly týǵan bul azamattan istiń mán-jaıyn anyqtaý maqsatynda tártip saqshylary ony Abaı aýdanynyń polısııa basqarmasyna áketti. Quqyqtyq tártip áskerleriniń úılesimdi is-qımyldarynyń arqasynda adam ómiri qutqaryldy.
