Shara sot júıesin odan ári reformalaý jónindegi usynystardy talqylaý jumystarynyń zańdy jalǵasy boldy.
Qatysýshylar bultartpaý sharalaryn qoldaný aıasyn keńeıtýge baǵyttalǵan keshendi sharalardy, kúzette ustaýdyń balama túri men kúzette ustaýdaǵy bultartpaý sharalaryn qoldanýdy shekteýdi talqylady.
«Talqylaý kúzette ustaýdyń balama sharalaryn, onyń ishinde elektrondyq baqylaý quraldaryn damytý úshin qandaı sharalar qoldaný kerektigin odan ári talqylaý qajettigin kórsetti. Elektrondyq baqylaý quraldaryn qoldanýdyń negizgi problemasy – jergilikti bıýdjetterde qolma-qol aqshanyń bolmaýy, tergeý bólimsheleri úshin EBQ satyp alý nemese jalǵa alý máselesi bolyp tabylady. Biz kúzette ustaýǵa balama sharalarynyń tizbesin ozyq sheteldik tájirıbe negizinde keńeıtýimiz kerek», dep atap ótti senator Qanatbek Safınov.
Sharaǵa Joǵarǵy sot, Bas prokýratýra, Ishki ister mınıstrligi jáne basqa da múddeli memlekettik organdardyń, sondaı-aq qoǵamdyq uıymdardyń, advokattar alqasynyń ókilderi, zańger ǵalymdar da qatysty.
Senatorlar kezdesý barysynda aıtylǵan barlyq usynystar men eskertýler qylmystyq is júrgizý zańnamasyn reformalaý jónindegi jumys kezinde eskeriletinin atap ótti.
