«Biz ádiletti memleket, ádiletti ekonomıka jáne ádiletti qoǵam quramyz. Osy qaǵıdattar meniń saılaý aldyndaǵy tuǵyrnamamda naqty kórinis tapty. Men onyń ár sózine, ár sóılemine tereń mán berdim. Saılaýaldy baǵdarlamam – bul uzaq oı-tolǵaý men izdenistiń nátıjesi. Tipti, júregimnen shyqty desem, artyq aıtqandyq emes. Halyqtyń bastamalarǵa qoldaý bildirip, úlken úmit kútip otyrǵanyn bilemin», dedi Memleket basshysy.
Prezıdent tuǵyrnamanyń árbir tarmaǵy tolyq oryndalatynyn, ol úshin barlyq kúsh-jigerin jumsaıtynyn aıtty. Osyǵan baılanysty arnaıy Jarlyqqa qol qoıylady. Bul Jarlyq naqty is-sharalardyń júzege asýyn qamtamasyz etedi.
