Prezıdent • 26 Qarasha, 2022

Prezıdent memlekettik qyzmetshilerdi adal jumys isteýge shaqyrdy

60 ret kórsetildi

Memleket basshysy barlyq memlekettik qyzmetshiden óz jumysyn adal atqarýdy talap etti, dep habarlaıdy Egemen.kz.

«Taǵy da qaıtalap aıtamyn, alda atqaratyn sharýa kóp. Bul – jeńil jumys emes, biraq elge paıdasy tıetin qyzmet. Men búkil memlekettik apparattan osy mindetti abyroımen oryndaýdy talap etemin. Qolynan is keletin jáne elge berile qyzmet jasaıtyn azamattarǵa ǵana ortamyzda oryn bar. Olarǵa qoldaý kórsetemiz, al qoǵam qurmet bildiredi. Halqymyzdyń naqyl sózin sál túrlendirip aıtsaq: «Baılyq pen mansap – qolǵa ustaǵan muz, erıdi de ketedi. Al, elge jasaǵan qyzmet – artta qalǵan iz, ol urpaqtan urpaqqa jetedi». Osyny ár azamat túsinýi kerek.

El múddesi – bárinen bıik. Men barlyq memlekettik qyzmetshiden óz jumysyn adal atqarýdy talap etemin», dedi Prezıdent.

Osy rette ol kásibılik, adaldyq jáne qarapaıymdylyq ár azamattyń basty qaǵıdattaryna aınalýy tıis ekenin aıtyp ótti.

«Qoǵamda jańa qundylyqtar ornyqtyryp, jaqsy qasıetterge ıe bola almasaq, reformanyń bári beker. Kók baıraǵymyz, tólqujatymyz jáne memlekettik tilimiz bizdiń birtutas halyq ekenimizdi bildiredi. Babalarymyz birtutas el bolyp, Eýrazııa tórinde dańqty shejiresin at tuıaǵymen jazǵan, Altyn orda men Qazaq handyǵy sııaqty memleketter qurǵan. Sondaı-aq halqymyz el basyna kún týǵan kúrdeli sátterde azattyǵy úshin arpalysty. Áıgili handarymyzdyń, batyrlarymyzdyń jáne ult qaıratkerleriniń erligi – osynyń aıqyn kórinisi», dedi Memleket basshysy.

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 10:38

Uqsas jańalyqtar