Prezıdent • 26 Qarasha, 2022

Qaǵba tórinde Alladan bir-aq nárse suradym - Toqaev

49 ret kórsetildi

Memleket basshysy bıyl qasıetti Mekkege barǵan kezde Qaǵba tórinde ata-baba rýhyna quran baǵyshtap, Alladan bir-aq nárse suraǵanyn aıtty, dep habarlaıdy Egemen.kz.

«Qazirgi zaman ýaqytty jyldamdatyp, oqıǵalar tizbegin qabattastyrady. Sózimiz ben isimizdiń shynaıy baǵasyn tarıh tarazysy ǵana beredi. Ar-ujdanymyzdyń tazalyǵy men halqymyzdyń qurmeti – bárimiz úshin úlken syı. Biz – rýhanı murasy baı, qarqyndy damý áleýeti zor, qýatty ári ózin-ózi tolyq qamtamasyz ete alatyn ultpyz. Shyǵystyń uly ustazy Ál-Farabı adamdardy ádil bolýǵa, aqıqatty súıýge, ar-namysty qasterleýge, sabyrly bolýǵa jáne qashan da bilimge umtylýǵa úndedi», dedi Memleket basshysy.

Osy oraıda ol yrysty yntymaǵymyzdy saqtaı bilsek, alynbaıtyn asý joǵyn aıtty.

«Memlekettiligimizdiń damýynda qýatty serpilis jasaı alǵan urpaq retinde tarıhta qalýǵa zor múmkindigimiz bar ekenine senimdimin. Eldiń keleshegi bizge, barlyǵymyzdyń qajyrly eńbegimizge baılanysty. Táýelsiz elimizdi qýatty memleket retinde urpaqqa amanattaý – bizdiń boryshymyz. Alda talaı synaqtar, kúrdeli kezeńder bolýy múmkin. Degenmen yrysty yntymaǵymyzdy saqtaı bilsek, alynbaıtyn asý joq», dedi Prezıdent.

Budan soń, ol bıyl qasıetti Mekkege barǵan kezde Qaǵba tórinde ata-baba rýhyna quran baǵyshtap, Alladan bir-aq nárse – eldiń amandyǵyn suraǵanyn aıtty.

Sońǵy jańalyqtar

Demalys kúnderi aýa raıy qandaı bolady?

Aýa raıy • Búgin, 10:38

Uqsas jańalyqtar