Qoǵam • 27 Qarasha, 2022

Alty júzden astam sarbaz Otan qorǵaýshylar qataryna qosyldy

46 ret kórsetildi

«Shyǵys» óńirlik qolbasshylyǵyna qaraıtyn Abaı, Aıagóz jáne Úsharal garnızondarynda, sondaı-aq Qonaev qalasynda ásker qataryna jańa kelgenderdiń ant qabyldaý rásimderi saltanatty túrde ótti, dep habarlaıdy Egemen.kz.

Jeksenbi kúni Shyǵys Qazaqstanda aıaz bolǵanyna qaramastan, klımattyq jaǵdaılarǵa úırenip, áskerdiń tirshiligine tóselip kele jatqan sarbazdarǵa bul jaǵdaı kedergi bolmady. Sharaǵa qonaqtar retinde sarbazdardyń týystary men jaqyndarynyń kelýi olardyń jaýyngerlik rýhyn nyǵaıtty.

– Búgin sender áskerı ant berdińder. Osy sátten bastap «Otan qorǵaýshy» uǵymy sender úshin erekshe maǵynaǵa ıe. Armııanyń qýatyn arttyrý arqyly sender kez kelgen qıyndyqty jeńýge kómektesetin qasıetterdi boılaryńa sińiresińder. Biz senderge senemiz. Otan qorǵaý jolyndaǵy qyzmetterińe sáttilik tileımiz, – dedi jas sarbazdarǵa Aıagóz tank quramasynyń komandıri podpolkovnık Dáýlet Súttibaev.

Ant qabyldaý rásimine deıin áskerge shaqyrylýshylar bir aılyq jas jaýyngerdiń kýrsynan ótti. Olar dene shynyqtyrý jáne saptyq daıyndyqpen aınalysty, jalpyáskerı jarǵylardy, qarýdyń materıaldyq bóligin jáne onymen jumys isteý erejelerin úırendi, alǵashqy praktıkalyq atystaryn oryndady.

– Bul kúnge biraz daıyndaldyq. Árıne, tolqý boldy, biraq bir-birimizdi qoldaý ony jeńýge kómektesti. Ásker jınaqtalýǵa jáne muqııat bolýǵa úıretedi, munda bári kúndelikti tártipke baǵynady. Bul tájirıbe maǵan paıdaly bolady dep oılaımyn, – dep bólisti Tarazdan shaqyrylǵan sarbaz Islam Beıbarys.

Áskerı bólimderge eldiń ártúrli aımaǵynan saltanatty túrde ant qabyldaý rásimine kelgen sarbazdardyń ata-analary men týystary da birge tolqýdy sezindi. Olar úshin uldarynyń qyzmet jaǵdaıyn óz kózderimen kórý, komandırlerimen jáne áriptesterimen tanysý mańyzdy boldy.

– Bir aıdan beri meniń ulym Aıbol Serik Aıagózde qyzmet etip keledi. Ant berýge shaqyrǵandaryna qýandym. Men olardyń qyzmet ornynyń shynaıy jaǵdaıyn óz kózimmen kórgim keldi. Bizge bárin kórsetip, egjeı-tegjeıli aıtyp berdi. Endi men balalarymyzdyń qaıda turatynyn, ne úırenetinin, qalaı tamaqtanatynyn jaqsy bilemin. Olar úılerine aman-esen oralsyn, – dedi Almaty oblysynyń turǵyny Janar Sepbosynova.

Áskerı ant qabyldaǵannan keıin áskerge shaqyrylýshylar bólimshelerge bólinip, áskerden alǵan mamandyqtaryna sáıkes jaýyngerlik daıarlyqqa kirisedi.

Sońǵy jańalyqtar

Astanada «Vaitursynuly.kz» saıtynyń tusaýkeseri ótti

Ahmet Baıtursynuly • 03 Aqpan, 2023

Tarazda tórt jasar balany toq soqty

Qoǵam • 03 Aqpan, 2023

Prezıdent qolónershiler kórmesin aralady

Prezıdent • 03 Aqpan, 2023

Uqsas jańalyqtar