«Qazir saılaýdaǵy jeńisti toılaıtyn kez emes, aıanbaı eńbek etetin kez. Sol sebepti arqany keńge salýǵa bolmaıdy, birden iske kirisýimiz kerek» degen Prezıdent ulyqtaý rásiminen keıin 5 Jarlyqqa qol qoıdy. Sonyń ishinde, birinshi qol qoıǵan qujaty – aýyldy damytýdyń 5 jylǵa arnalǵan tujyrymdamasy. Bul aýyl adamy, aýyl sharýashylyǵy mamany retinde ózime zor áser etti. Iаǵnı Prezıdenttiń halyqtyń teń jartysyna jýyǵy mekendegen aýyl men aýyl sharýashylyǵyn ekonomıkanyń qozǵaýshy kúshi, azyq-túlik qaýipsizdigin qamtamasyz etýde qymbatshylyqty quryqtaýshy, myqty aýyl ǵana myqty memlekettiń altyn dińgegi ekenine ábden kózi jetken.
Endigi másele – osy tapsyrmany oryndaýǵa Úkimetten bastap barlyq deńgeıdegi basshylardyń bar kúsh-jigerlerin jumsaýynda jatyr. Taǵy bir aıta ketetin jaıt bar. Osy arada aýylsharýashylyq óndirisin qosa damytý baǵdarlamasy birge qabyldansa degen oı týady. О́ıtkeni aýyldy qansha áspettep, joly, sýy, bilimi, medısınasy, mádenıetin kótergenimen, eger aýylsharýashylyq óndirisi qatar damymasa, paıdaly jumys orny ashylmasa, aýylda eshkim turaqtamaıdy. Sondyqtan «Ulttyq azyq-túlik konsepsııasy» qabyldanǵany abzal dep esepteımin. Aýyl sharýashylyǵyn tyǵyryqtan shyǵaratyn 40 pýnktten turatyn usynystarymyz da bar. Bul oraıda Aýyl sharýashylyǵy mınıstrligi jergilikti jerdegi aýyl mamandarymen de keńeskeni lázim. Jalpy, Prezıdent baǵdarlamasynda qoǵamnyń qamtylmaǵan birde-bir máselesi qalmady. Ádiletti Qazaqstandy qurý jolynda Prezıdentke búkilhalyqtyq qoldaý kórsetý – barshanyń mindeti dep esepteımin.
Nıqanbaı OMARHANOV,
aýyl sharýashylyǵy salasynyń úzdigi
Qaraǵandy oblysy
