Aýyl degen – qazaq. Dinimiz, dilimiz, tilimiz aýylda. Rýhanııatymyzdyń altyn dińgegi. Aýyldy qurtyp alý degenimiz, qazaqty qurtyp alýmen birdeı. Aýyl kóterilse, onyń mádenı-rýhanı jaǵy kóterilse, údere kóshýshiler de azaıar edi. Biraq aýylda halyqty ustaý qıyn. Aýylda burynǵy kolhoz-sovhoz joq. Buryn «ólmegenge óli balyq» dep júre berdik. Ol kezde qalany eshkim armandamaǵan. Aýyldyń óz qyzyǵy ózinde edi. Shalqyp-tasyp jatar edik. Qazir kásipkerler bolmasa, aýylda jumys ta joq. Ásirese jastardy turaqtandyrý óte aýyr. Aýyldy qoıyp, qalanyń kóshesinde sandalyp bos júrgen jas kóp. Qalada júr degen aty
úshin.
Jastardy, jalpy halyqty aýylǵa baǵyttaý úshin adamnyń sana-seziminde úlken tóńkeris jasamaı bolmaıdy. Bizde osy jaǵynan istelip jatqan jumys joq. Ata-ana, meıli mektep bolsyn, osymen shuǵyldaný kerek. Sanany ózgertýimiz kerek.
Taǵy da aıtamyn: Eń birinshi jastardy aýylǵa tartý kerek. Bul másele kún tártibinen túspeýge tıis. Sózben aıta bergennen góri tetikterin izdeýimiz qajet. Áıtpese baıaǵyda «Aýyl jyly» dep te nátıjesiz bos uranmen júrgenbiz.
Prezıdent Ulyqtaý rásiminde kóptegen jaqsy dúnıe aıtty. Eńbek etken adamdy ósirý kerek dedi. Eńbek adamdary erekshe qurmetke ıe bolýy kerek dep taǵy aıtty. Ádildik, adaldyq týraly jıi aıtyp júr. Qýanyp qaldyq, ras. Aldymyzdan endi tek jaqsylyqtar shyqsyn! Zaman tynysh bolsyn!
Álibek QAŃTARBAEV,
Jazýshylar odaǵy Shyǵys Qazaqstan oblystyq fılıalynyń tóraǵasy
