Qaıtys bolǵan adamnyń týystary onyń ishki organdaryn donorlyq úshin paıdalanýǵa ruqsat bergen. Osylaısha marqumnyń baýyry 44 jastaǵy shymkenttikke transplantasııalandy. Dárigerler naýqas baýyr aýystyrý múmkindigin uzaq jyldar boıy kútkenin aıtyp otyr.
Operasııa shamamen alty saǵatqa sozylǵan. Kúrdeli transplantasııany qalalyq klınıkalyq aýrýhananyń dárigerleri júrgizdi.
Aıta keteıik, bul aýrýhana qabyrǵasynda 9 jyldan beri organdardy transplantasııalaý boıynsha túrli operasııalar júrgizilip keledi.
Buǵan deıin dárigerler tek tiri donorlarmen jumys isteıtin. Bul joly qaıtys bolǵan adamnyń organdaryn paıdalanýǵa múmkindik týyp, onyń týystary resmı kelisim beripti.
Densaýlyq saqtaý basqarmasynyń málimeti boıynsha, qazir naýqas ózin jaqsy sezinedi.
Olardyń aıtýynsha, donordyń basqa organdary Astanaǵa arnaıy reıspen jiberilip, muqtaj naýqastarǵa transplantasııalanady.
