Dese de mınıstrlik sońǵy 7 jylda tozý deńgeıiniń jalpy kórsetkishi 13 paıyzǵa tómendegenin aıtyp otyr.
QR TJM respýblıkalyq daǵdarys ortalyǵy jáne jergilikti atqarýshy organdardyń málimetteri boıynsha, 2022-2023 jylǵy jylytý maýsymy bastalǵannan beri elimiz boıynsha 26 tehnologııalyq aqaý bolǵan. Atap aıtqanda:
– avtonomdy qazandyqtarda – 2 (Aqmola jáne Almaty oblystarynda);
– jylýmen jabdyqtaý jelilerinde – 11 (Jetisý – 1, Qaraǵandy – 7, Pavlodar – 1, Astana-1, Almaty-1);
– sýmen jabdyqtaý jelilerinde – 13 (Abaı – 1, Aqmola – 2, Almaty – 1, ShQO – 1, BQO – 1, Qaraǵandy – 1, Pavlodar – 1, SQO – 2, Ulytaý – 1, Astana-2).
2015-2022 jyldar aralyǵynda ár túrli qarjylandyrý kózderinen jylý júıeleriniń qurylysy, rekonstrýksııalaý jáne jańǵyrtý jumystaryna 344 mlrd teńge bólingen. Nátıjesinde 3 667 km ınjenerlik jeli salynyp, qaıta jańartylǵan. Osylaısha, jalpy tozý deńgeıi 65%-dan 53 paıyzǵa deıin tómendedi. 2022 jyldyń sońyna deıin bul kórsetkishti 51%-ǵa deıin tómendetý josparlanýda.
Turǵyn úı-kommýnaldyq ınfraqurylymdy damytý tujyrymdamasy sheńberinde 2026 jylǵa qaraı jylý, sýmen jabdyqtaý jáne sý burý jelileriniń tozýynyń jalpy kórsetkishin 45%-ǵa deıin azaıtý josparlanǵan..
