JAŃA ǴIMARAT JARQYN ISTERGE QYZMET ETSIN

Sársenbi kúni Astananyń J.Táshenov atyndaǵy ortalyq kóshesiniń boıynda Túrik Respýblıkasy elshiliginiń jańa ǵımaraty saltanatty jaǵdaıda ashyldy. Onyń ashylý saltanatyna Qazaqstanda resmı saparmen júrgen Túrkııa Prezıdenti Abdýlla Gúl qatysty. Qazaqstan jaǵynan Memlekettik hatshy – Syrtqy ister mınıstri Qanat Saýdabaev boldy. Abdýlla Gúl aldymen elshilik ǵı­maratynyń aldyna Túrik Respýb­lı­kasynyń týyn kóterdi, odan keı­in qysqa sóz sóıledi. О́ziniń só­zin­de ol Túrkııa memleketi baýyrlas túrki halyqtarynyń táýelsiz elder bolǵanyna shyn júrekten qýan­ǵa­nyn eske aldy. Kezinde biz Qazaq­stan­nyń táýelsizdigi jarııa­lan­ǵannan keıin bir saǵatqa jetpeıtin ýaqytta ony tanyǵan edik, dedi ol. Búginde Qazaqstan álem tanıtyn, syılaıtyn, sanasatyn alyp el bol­dy. Prezıdent Nursultan Na­zar­baevtyń bastamasymen ásem bolsa da eldiń shetinde ornalasqan Al­matydan astana osy jerge kóshi­rildi. Munyń tarıhı oqıǵa bolǵa­nyn bárimiz de bilemiz. Onyń qu­ry­lysyna túrik fırmalary da bel­sene qatysyp, myńdaǵan adam ju­mys oryndarymen qamtamasyz etildi. Osylaı deı kelip, odan ári A.Gúl elshilik ǵımaratyn salýǵa ózi Túrkııanyń Syrtqy ister mınıstri bolyp júrgende qatysqanyn aýyzǵa aldy. Mine, búgin sol ǵımaratymyz iske qosylyp otyr, onyń ishi nurǵa tolyp, baýyrlas eki eldiń arasyndaǵy yntymaqtastyq pen dostyqty damytýǵa qyzmet etsin, dedi Túrkııa Prezıdenti. Elshilik kesheni úsh ǵımarattan turady eken, onyń ishinde dıp­lo­mattar men qyzmetkerlerdiń áleý­mettik jaǵdaıyn jasaıtyn oryn­dar da bar. Keshenniń jalpy aýma­ǵy 13 ga jerdi alyp jatyr. Abdýlla Gúl Túrkııa memle­ke­tiniń negizin qalaǵan asa kórnekti qaıratker Mustafa Kemal Ata­túriktiń eskertkishine gúl shoqtaryn qoıdy. Jaqsybaı SAMRAT.