Shymbulaqtaǵy shańǵy maýsymy

Kóne shahardyń kórkine kózaıym bolyp demalys maýsymyn Shymbulaqpen baılanystyratyn sheteldikterdiń denin Reseı men Qytaı azamattary qurasa kerek. Kórshiles qos memleketten keıin oń­tús­tikkoreıalyqtardyń úles salmaǵy basym. Sońǵy eki jyldyń úlesine kiretin bul statıstıka álemdegi kúrdeli geosaıası jaǵdaılarǵa baılanysty bıyl múlde ózgerýi múmkin. Esesine ishki týrızmniń tynysy keńeımek. Týrızm sa­lasynyń sarapshylary, pandemııa beleń alǵannan bas­tap otandastarymyz óz eliniń kó­rikti jerlerinde demalýǵa den qoıǵandaryn, osynyń áserinen ishki týrızmniń arnasy keńeıgenin aıtady.

Bıylǵy maýsymda kelý­shiler jalpy uzyndyǵy 22 shaqyrymdy quraıtyn 20 shańǵy men shana jolaǵyn paıdalana alady. Jalpy, Shymbulaq taý shańǵysy kýrortynda uzyndyǵy 25 sha­qyrym bolatyn ártúrli qıyn­shylyqtaǵy 14 eńis bar. Osy qysta Shymbulaqta Almaty Extreme Games jáne Happy Hour Camp festıvaldaryn, sondaı-aq frıstaıl mogýl jáne frıstaıl akrobatıkasynan 2022/23 jyl­ǵy álem chempıonatynyń Grand fınalyn ótkizý josparlanýda.

Shymbulaq shatqalyna aıdyndaı taıǵanaq muz joldaryn jany súıetin shań-ǵyshylar, sheberlikterimen tańǵaldyratyn snoýbordshylar kóptep keledi. Sebebi bul jerde arnaıy otyr­ǵy­shy bar kóterme joldarmen teńiz deńgeıinen 3163 metr bıik­tiktegi Talǵar asýyna shyǵý múmkindigi bar. Mun­daǵy asý­dan túsetin jer óte tik bol­ǵandyqtan, ká­sibı shań­ǵy­shylar úshin armanǵa qanat bitiretin taptyrmas oryn. Al esh jerde qaı­ta­lanbaıtyn atmosferadan qala turǵyndary erekshe rýhanı kúsh alatynyn aıtady. Jaıly klımat, tó­beden tógilgen kún shýaǵy, tu­raqty qar jamylǵysy Ta­bıǵat-ananyń tańǵajaıyp syıy. Tabıǵat aıasynda ty­nystaýǵa taptyrmas oryn ke­lýshilerin úlken shańǵy tras­­sasymen tánti etedi. Bir ǵa­jaby, Shym­bu­­laqtaǵy qa­lyń qar qabaty jel­toqsannan sáýir aıyna deıin erimeıdi.

ALMATY