Qoǵam • 30 Qarasha, 2022

Júrektiń kózi ashylsa...

81 ret kórsetildi

Eń ǵajap sýretshi – tabıǵattyń kóz toıattaıtyn sulý kartınalaryn kúnde kózben kórgenimizben, keıde kórgendi kóńilge toqyp, júrekpen sezine almaı jatamyz. «Kózinen basqa oıy joq» degen Abaı óleńindeı ómir sezimsiz ótip jatqandaı kórinetini taǵy bar. Júrektiń kózin jumýǵa, sezimin sóndirýge áste bolmaıdy. Osy maqsatta elordada alǵash ret «Júrekpen kóremin» shyǵarmashylyq kórmesi men qarańǵylyqta keremet konsert uıymdastyryldy.

Mádenıet jáne sport mı­nıs­tr­liginiń qoldaýymen Tá­ýel­sizdik jáne Halyqaralyq múge­dek­ter kúnine oraı «Mı­ras-A» qaıyrymdylyq qory­nyń uıymdastyrýymen ótken «Júrekpen kóremin» atty shy­ǵar­­mashylyq kórmege kelý­shiler qatary kóp.

«Mıras-A» qaıyrymdylyq qorynyń dırektory Kámshat Úsenqyzy «sezin» qaıyrym­dy­lyq jobasynyń aıasynda ótken kórmeniń maqsatyn aıtyp berdi. «Júrekpen kóremin» shyǵar­ma­shylyq kórmesiniń maq­saty – kelýshilerdiń boıyn­daǵy ýa­­ıymynan arylyp, sýretterdi jú­regimen sezindirý. Sebebi olar aldymen maska kııý arqyly sý­ret­ti kózben kórmeı, tek aýdıo­dıs­krıpsııasyn tyńdaıdy. Sodan keıin baryp elestetken kartınanyń beınesin kóre alady», dedi ol.

«Búgin keremet kórmeniń óte­tinin estip, qýana jettim. Is-shara­ǵa qatysyp, onyń áserin sezinýge keldim. Mundaı mańyzdy sharalardy memleket tarapynan bolsyn, azamattyq qoǵam tarapynan bolsyn qoldaýymyz qajet», dedi Parlament Májilisiniń depýtaty Maqpal Tájmaǵambetqyzy.

Is-shara barysynda elimizge jáne álemge tanymal sýretshi, Qazaq ulttyq óner ýnıversıteti «Beıneleý jáne músindeý» ka­fed­rasynyń dosenti Leıla Bolatqyzynyń keremet sýretine elestetý arqyly beınesin kórý jasalynyp, sýrettiń sol jerde ashylý saltanaty boldy.

Atalǵan kórme ári qaraı aıryqsha konsertke ulasty. Bul – qarańǵyda ótetin jańa for­­mattaǵy joba. Keshte kóz janarynan erekshe qabiletti jandar arasyndaǵy úzdik ánshiler mýzykalyq týyndylaryn, ómir týraly avtorlyq shyǵarmalaryn sezimmen oryndady.

«Nurdana Arǵynulymen birge 2019 jyldan beri dýet bolyp án shyrqap júrmiz. Konsertke qa­tysý úshin Taldyqorǵan qala­sy­nan arnaıy keldik. Kon­sertte ózimniń avtorlyq ánderim men Nurdanamen «Ańsaımyn jaryq kúndi» ánin shyrqap shyqtyq», dedi ánshi Alǵysbek Dáýenuly.

Sondaı-aq ilkimdi is-sharaǵa qo­naq retinde belgili ánshi­ler, kásipkerler, qoǵam qaı­rat­­­­kerleri qatysty. Keshti uıym­­­­­das­­tyrýshylar sharapatty sha­­­ra­­nyń ótýine qoldaý bil­dir­­­gen Mádenıet jáne sport mı­nıstrligi jáne Qazaq ulttyq óner ýnıversıtetine erekshe al­­ǵys­taryn aıtty. Keler jyly atalǵan aksııany respýblıka kóle­minde ótkizý kózdelip otyr. Kóp adamnyń júrek kóziniń ashylýyna sep bolǵan is-sharanyń rasynda rýhanı qundylyǵy joǵary boldy. «Júrektiń kózi ashylsa, haqtyń túser sáýlesi» dep Abaı ańsaǵan sáýleli sátter sol kúni Qazaq ulttyq óner ýnı­ver­­sı­tetinde qarańǵyda ja­ryq shashyp turdy. 

Sońǵy jańalyqtar

Astanada «Vaitursynuly.kz» saıtynyń tusaýkeseri ótti

Ahmet Baıtursynuly • 03 Aqpan, 2023

Tarazda tórt jasar balany toq soqty

Qoǵam • 03 Aqpan, 2023

Prezıdent qolónershiler kórmesin aralady

Prezıdent • 03 Aqpan, 2023

Uqsas jańalyqtar