«Memleket basshysynyń Jarlyǵymen Narıman Tóreǵalıev Batys Qazaqstan oblysynyń ákimi laýazymyna taǵaıyndaldy», dep jazylǵan habarlamada.
Narıman Tóreǵalıev 1964 jyly 19 shilde kúni Batys Qazaqstan oblysynyń Aqjaıyq aýdany Esensaı aýylynda dúnıege kelgen. Jambyl gıdromelıoratıvtik-qurylys ınstıtýtyn (1990) ınjener-ekonomıst, Kaspıı qoǵamdyq ýnıversıtetin (2004) zańger mamandyqtary boıynsha bitirgen. Ekonomıka ǵylymdarynyń magıstri.
Eńbek jolyn «HVIII Partsezd» atyndaǵy aýylsharýashylyǵy birlestiginiń ekonomısti, bas ekonomısti (1990-1995) bolyp bastady.
«Aıtıevo» óndiristik kesheniniń jabdyqtaýshysy, ekonomısti, bas ekonomısti (1997-1999);
«Aqjol» sharýa qojalyǵynyń basshysy (1999-2001);
Batys Qazaqstan oblysy Terekti aýdany eńbek jáne halyqty áleýmettik qorǵaý bóliminiń bastyǵy (2001-2002);
Oral qalasyndaǵy jalpy úlgidegi ınternat úıiniń dırektory (2002-2003);
Batys Qazaqstan oblysy jumyspen qamtý jáne halyqty áleýmettik qorǵaý basqarmasy bastyǵynyń orynbasary (2003-2005);
Batys Qazaqstan oblysy jumyspen qamtý jáne áleýmettik baǵdarlamalardy úılestirý departamenti dırektorynyń orynbasary (2005-2008);
Qazaqstan Respýblıkasy Tabıǵı monopolııalardy retteý agenttigi Batys Qazaqstan oblysy boıynsha departamentiniń dırektory (2008-2010);
Batys Qazaqstan oblysy jumyspen qamtý jáne áleýmettik baǵdarlamalar basqarmasynyń bastyǵy (2010-2012);
Batys Qazaqstan oblysy Aqjaıyq aýdanynyń ákimi (2012-2015);
Batys Qazaqstan oblysy ákiminiń orynbasary (2015-2016);
Oral qalasynyń ákimi (2016-2017) laýazymdaryn atqardy.
Buǵan deıin Parlament Senatynyń depýtaty boldy.
