Elorda • 02 Jeltoqsan, 2022

Elordadaǵy Ál-Farabı dańǵyly sol jaǵalaýǵa kóshiriledi

92 ret kórsetildi

Keshe Astananyń onomastıkalyq komıssııasynyń kezekti otyrysy ótti. Kún tártibine sáıkes Ál-Farabı dańǵylynyń ataýyn kóshirý máselesi qaraldy, dep habarlaıdy Egemen.kz qala ákimdiginiń baspasóz qyzmetine silteme jasap.

Buǵan deıin «Almaty» jáne «Baıqońyr» aýdandarynda ornalasqan Aqjol, Vıshnevskaıa jáne Baıyrqum kósheleri biriktirilip, Ál-Farabı dańǵyly bolyp ózgertilgen bolatyn. Qala turǵyndary, Astana máslıhaty men Qoǵamdyq keńes músheleri, ǵalymdar, zııaly qaýym ókilderi bul kóshe óndiristik aımaqta ornalasqandyqtan uly ǵalymnyń esimine sáıkes kelmeıdi, osyǵan baılanysty qalanyń úlken jáne ortalyq kósheleriniń birine ǵalymnyń esimi berilýi tıis degen usynystaryn birneshe ret aıtqan bolatyn.

Astananyń onomastıkalyq komıssııasynyń otyrysyna Esil aýdanynda ornalasqan № 38 jobalyq ataýy bar kóshege uly ǵalym Ál-Farabıdiń esimin berý týraly sheshim qabyldandy. Bul kóshe Táýelsizdik dańǵylyndaǵy salynyp jatqan kópirdiń artynda ornalasqan.

Qalanyń bolashaq josparyna sáıkes bul kóshe Esil ózeninen bastalyp, jalpy uzyndyǵy 7 shaqyrymnan asatyn Qabanbaı batyr dańǵylyna deıin sozylatyn úlken dańǵyldardyń biri bolady.

Qalanyń onomastıkalyq komıssııasynyń otyrysynda qaralǵan usynystar qaraý úshin Astana máslıhatynyń turaqty komıssııalarynyń jarııa tyńdaýlaryna, Astana qoǵamdyq keńesiniń qaraýyna jiberiledi.

Sońǵy jańalyqtar

Berik Berkimbaev qyzmetinen bosatyldy

Qoǵam • Búgin, 16:45

Elimizdiń basym bóliginde qar jaýady

Aýa raıy • Búgin, 16:36

Almatyda eki avtobýs soqtyǵysty

Aımaqtar • Búgin, 11:33

KMG Kashagan B.V. bas dırektory taǵaıyndaldy

Taǵaıyndaý • Búgin, 10:41

Uqsas jańalyqtar