JOLY JIŃIShKE ALTYN JÚLDE

Astanada taekvondodan WTF tu­jy­rymy boıynsha HIH Azııa chem­pıo­naty aıaqtaldy. Úsh kún boıy 24 eldiń 260-tan astam sportshylary qatysqan baıraqty básekede Qazaqstan qura­masynyń qyz-jigitteri bir altyn, bir kúmis jáne úsh qola medaldi ıelendi. Bul synda ulttyq qurama sapynda alǵashqy júldeni 54 kılo salmaqta Narıman Shákirov, Sultan Qasymov (80 kg.) jáne qyzdar arasynda 46 kıloda tatamıge shyqqan Aıjan Álıjanova jeńip aldy. Chempıonattyń birinshi kúni Qa­zaq­stan quramasynyń qorjynyna úsh birdeı qola medal túskenimen, júl­deli oryndarǵa ıe bolady dep úmit art­qan keıbir sportshylarymyz qar­sy­lastarynan jeńilip qaldy. Munda qyz­dar arasynda 67 kıloda synǵa tús­ken stýdentter arasyndaǵy dúnıe­jú­zilik ýnıversıadanyń jeńimpazy Gúl­nafız Aıtmuhamedova, 57 kıloda Eka­terına Dmıtrıeva men jaýyn­ger­lik jekpe-jekten Azııa oıyndarynyń kú­mis júldegeri Qaırat Sarymsaqov (67 kg.) básekelesterine ese jiberip aldy. Básekeniń ekinshi kúni otan­das­ta­rymyzdyń baby men baǵy taǵy kelise qoımady. 63 kıloda Darhan Qa­sym­qulov, Aıbar Dúısebaev (74 kg.), Dáýren Rızaev (87 kg.), qyzdar ara­syn­da Azııa oıyndarynyń kúmis júldegeri Sáýle Sardarova (53 kg.) men 63 kıloda tatamıge shyqqan Elvıra Qabyrbaeva jarystaryn aıaqtady. Osy kúni Ferýza Erkeshova (73 kg.) bolmaǵanda, ulttyq qurama taǵy da júldeli oryndardan quralaqan qalatyn edi. О́z salmaǵynda aqtyq synǵa deıin qarsylastarynyń bárin taza jeńgen Ferýza qytaılyq sport­shy Han Iýıngıýıngti 3:0 esebimen utty. Bul onyń Azııa chempıonatynda jeńip alǵan alǵashqy altyn júldesi bolǵannan keıin kóńilimiz bir serpilip qalǵany jasyryn emes. Endi júldeniń birinen soń biri keletinin kútken biz tatamıge kelesi bolyp shyǵatyn basqa da sportshylarymyzǵa zor úmit artqan edik. Alaıda 57 kıloda básekege túsken jastar arasyndaǵy álem chem­pıo­ny Jalǵas Bektasov, Álmıra Es­murzaeva (49 kg.) men Juldyz Kú­mis­bekova (74 kg.) úmitti aqtaı almady. Osydan keıin bar úmit aqtyq synǵa deıin kezdesýlerdiń bárin taza utqan Beıjiń Olımpıadasynyń qola júldegeri Arman Shilmanov ta ǵana qalǵan bolatyn. Biraq Arman Iran sportshysymen bolǵan fınaldyq básekede bar kúsh-jigerin salǵanymen, qarsylasyn jeńe almady. Sóıtip, taǵy bir kúmis qorjynymyzǵa tústi. Aqtyq aıqas aıaqtalǵan soń jekpe-jekterge baılanysty pikirin bildirgen Shilmanov fınalda bar kúsh-qaıratyn jumsaǵanymen babynda bolmaǵanyn, óıtkeni, onyń eki aına­lym­nan keıin birden fınalǵa jibe­rilgenin aıtty. Degenmen ol aldaǵy Qytaıda ótetin Azııa oıyndary men Tashkentte bolatyn álem chem­pıo­na­tynda júldeli oryndy mindetti túrde jeńip alatynyna sendirdi. Astanada osynaý báseke aldynda alǵash ret taekvondonyń irgetasy sanalatyn “pýmse” túri boıynsha ja­laýyn kótergen Azııa chempıonatynda Qa­z­aqstan quramasynyń bir altyn, eki kúmis jáne eki qola medaldi jeńip alǵanyn da atap ótkenimiz jón. Sary qurlyqtyń 15-ten astam elderiniń sańlaqtary qatysqan bul synda Baqytjan Aıazbaev pen Natalıa Iýgaı bir jupta óner kórsetip, bas júldeni jeńip aldy. Dastan KENJALIN.