Jıynda Prezıdent Ákimshiliginiń basshysy Mańǵystaý oblysynyń ákimi laýazymyna Dáýletjan Hasanov pen Nurlan Noǵaevtyń kandıdatýralaryn usynǵan Prezıdenttiń hatyn oqyp berdi. Ashyq daýys berý kezinde máslıhattardyń 23 depýtaty Dáýletjan Hasanovqa, al 93 depýtaty Nurlan Noǵaevqa daýys berdi. Daýys berý nátıjesi boıynsha Memleket basshysynyń Jarlyǵymen Nurlan Noǵaev Mańǵystaý oblysynyń ákimi bolyp taǵaıyndaldy.
Prezıdent Ákimshiliginiń basshysy oblys ákimi bolyp qaıta taǵaıyndalǵan Nurlan Noǵaev jaýapty jumystardy abyroımen atqaryp kele jatqan tájirıbeli maman ekenin atap ótip, aldaǵy qyzmetine tabys tiledi.
Sonymen qatar Murat Nurtileý Memleket basshysynyń Mańǵystaýǵa jumys sapary kezinde naqty mindetterdi aıqyndap bergenin eske saldy. Olardyń arasynda óńirdiń ınfraqurylymdyq ahýalyn, kólik-logıstıka salalarynyń áleýetin jaqsartý jáne aımaq turǵyndaryn aýyzsýmen qamtamasyz etý sııaqty ózekti máseleler bar.
Prezıdent Ákimshiliginiń basshysy bıylǵy mańyzdy saıası oń ózgeristerge atsalysqan oblys azamattaryna Memleket basshysynyń alǵysyn jetkizdi. Sondaı-aq Prezıdenttiń saılaýaldy baǵdarlamasynda jáne ulyqtaý rásiminde aıqyndalǵan mindetterdi sapaly iske asyrý mańyzdy ekenin aıtty.
