Mamandardyń aıtýynsha, balalar merziminen buryn 30-aptasynda dúnıege kelgen. Sondyqtan týǵannan keıin sábılerge qarqyndy terapııa qajet bolypty. Al birinshi kúni olar reanımasııa bóliminde qalǵan,tek ekinshi kúni ǵana anasymen birge bolý úshin neonatologııa bólimine aýystyrylypty.
Neonataldyq qyzmet basshysy Talǵat Tolyqbaevtyń aıtýynsha, qazir úshemniń ómirine qaýip tónip turǵan joq, olarǵa arnaıy kútim uıymdastyrylǵan. Anasy nárestelerdi kútýge, emizýge jáne shomylýǵa úıretilgen. Osy ýaqyt ishinde sábıler salmaq jınady, olardyń ál-aýqaty jaqsardy, sondyqtan olar úıge shyǵarylady.
Bir qyzyǵy, bul otbasynyń 24 jáne 20 jastaǵy eki qyzdary bar. Alaıda erli-zaıyptylar úıdi qýanyshty balalar daýystarymen toltyrýdy ańsap, ekstrakorporaldy uryqtandyrý (EKU) ádisine júgingen. Tek úshinshi retinde ǵana áıel júkti bolypty
