Qazaqstan • 04 Jeltoqsan, 2022

«Shertpe kúı» respýblıkalyq baıqaýy aıaqtaldy

140 ret kórsetildi

Almatyda «Shertpe kúı» respýblıkalyq dástúrli mýzyka baıqaýynyń jeńimpazdary marapattaldy, dep jazady Egemen.kz.

Baıqaýǵa 16 men 35 jas aralyǵyndaǵy talantty dombyrashylar qatysqan. Bas júlde úshin 45 kúıshi baq synapty.

Birneshe kúnge jalǵasqan festıval jeńimpazdaryn Mádenıet jáne sport mınıstri Dáýren Abaev quttyqtap, shyǵarmashylyq tabystar pen jarqyn jetistikter tiledi.

«Qazaqtyń shertpe kúıi – ulttyq mýzykamyzdyń eń qunarly qazynasy. Onyń tarıhy, dástúri sonaý kóne zamandardan bastaý alady. Jalpy qazir dástúrli kúı men dombyranyń nasıhaty, oǵan degen qyzyǵýshylyq jyl sanap artyp keledi. Mysaly, búgingi tańda tek «Artsport» baǵdarlamasy sheńberinde 643 dombyra úıirmesi jumys isteıdi, oǵan 26 myńnan astam bala qatysyp jatyr. Bul – kúı ónerine degen erekshe yqylasty kórsetse kerek. Sol sııaqty arnaıy mýzykalyq mektepterde, orta jáne joǵary oqý oryndarynda dombyra úırenýshiler jyldan-jylǵa kóbeıip keledi. Biz ári qaraı da qazaqtyń ulttyq dástúrli mýzyka ónerin damytýǵa baǵyttalǵan ıgi is-sharalardy jalǵastyra beremiz», dep atap ótti Dáýren Abaev.

Sonymen, baıqaý nátıjesi boıynsha Madııar Súleımenov bas júlde ıegeri atanyp, 1 mıllıon teńge kólemindegi syıaqymen marapattaldy.

Al festıvaldiń birinshi oryn ıegerleri – Nurǵalı Tólebı men Qudaıbergenov Daryn 750 myń teńgeden ıelense, ekinshi orynǵa Syrym Shonbaev pen Ardaq Eleýsiz jaıǵasty, olarǵa 500 myń teńge buıyrdy. Úshinshi oryndy Tursynbek Ilııas, Beket Beksultan, Jarqynnur Erjanat ıelenip, árqaısysy 300 myń teńgeden aldy. Al Máýetbek Lýnara men Nurjan Ilııasov «Úmit» arnaıy dıplomymen marapattaldy. Jantý Dadabaev, Samatova Aıymgúl, Tileýbek Injý, Toqtarov Dastan, Talaphan Erbolat festıvaldiń dıplomanttary atanyp, arnaıy aqshalaı syıaqy ıelendi.

 

Sońǵy jańalyqtar

Dollar 460 teńgeden tómen tústi

Qarjy • Búgin, 17:08

Erteń elordada Úkimet otyrysy ótedi

Úkimet • Búgin, 14:21

Qazaqstanda aýasy eń las qala ataldy

Ekologııa • Búgin, 12:59

Uqsas jańalyqtar