Aımaqtar • 04 Jeltoqsan, 2022

Úzdik ári belsendi úkimettik emes uıymdar marapattaldy

100 ret kórsetildi

Qaraǵandyda elimizdiń túkpir-túkpirinde teń qoǵam úshin tynymsyz eńbek etip júr­gen úkimettik emes uıym­darǵa respýblıkalyq syı­lyqaqy tapsyryldy. Ataýly is-sharaǵa Aqparat jáne qoǵam­dyq damý mınıstri Darhan Qydyráli arnaıy qatysty.

Úkimettik emes uıymdarǵa syı­lyqaqy olardy yntalandyrý úshin 2017 jyldan bastap berilip keledi. Bul syılyq – atalǵan uıymdardyń áleýmettik mańyzdy problemalardy sheshýge qosqan úlesine tartý. Bıylǵy respýb­lıkalyq baıqaýǵa 15 baǵyt boıynsha elimizdiń 213 úkimettik emes uıymy qatyssa, irik­teý kezeńine onyń 189-y ótken eken. Sonyń 54-i jeńimpaz dep tanylyp, Qaraǵandy qalasynda marapattaý rásimi ótti.

– О́zderińizge málim, Memleket basshysy Qasym-Jomart Toqaev Qazaqstan halqyna Joldaýynda elde­gi qoǵamdyq-saıası reforma­lardyń jańa baǵytyn jarııalady. Onyń ishinde azamattyq qoǵam ınstıtýttarynyń rólin nyǵaıtýǵa da basymdyq berilgeni belgili. Úki­mettik emes uıym ókilderi ha­lyq pen bılik arasyndaǵy baıla­nys­ty nyǵaıtyp, qoǵamdyq dıa­log­­tiń qalyptasýyna yqpal etedi. Sondyqtan da bizdiń negizi maqsaty­myz­dyń biri – olar­dyń áleýmettik basta­malaryna qol­daý kórsetý, kóterilgen máseleniń sheshimin tabýyna jaǵdaı jasaý. Memlekettiń aza­mattyq qoǵam ınstıtýtyna qa­tys­ty tıimdi jumysynyń arqasynda búginde úkimettik emes uıymdardyń qatary 5 esege artyp, olardyń sany 23 myńǵa jetti. Sońǵy 18 jylda áleýmettik memlekettik tapsyrys kólemi aımaqtarda 100 paıyzǵa ulǵaıdy. Bul áleýmettik máselelerdi sheshýde úkimettik emes uıymdardyń belsendiligin kórsetedi, – dedi Darhan Qýandyquly.

Bul marapatty búginge deıin res­pýblıkada 300-ge jýyq uıym ıelen­gen eken. Bıyl baıqaýǵa qatys­qan­dardy saraptaǵan qazylar alqasy da jańarǵan. Sonymen áleýmettik bastamalar men belsendiligi úshin elimizdiń ár óńirindegi úkimettik emes uıymnyń 54 ókili jeńimpaz atan­dy. Jeńimpazdardyń 21,8 paıy­zy – áleýmettiń osal toptardy qol­daý, 12,7 paıyzy – bilim, 10 paıy­zy – aqparat, deneshynyqtyrý, sport salasyndaǵy, 10,9 paıyzy – halyq­ty jumyspen qamtý, 9 paıyzy – jas­tar saıasaty men balalar bastamalaryn qoldaý baǵytyndaǵy, 15 paıyzy aýyldyq úkimettik emes uıymdar.

Jalpy, eldiń bar óńirinde 52 azamattyq ortalyq jumys isteıdi. Ol ortalyqtar úshinshi sektor áleýe­tin arttyryp, úkimettik emes uıym­darǵa bir tereze qaǵıdaty boıynsha ádis­temelik qoldaý kórsetip keledi. Osy is-shara aıasynda úkimet­tik emes uıym­­dardyń jobalyq port­feli 15 myń­­ǵa deıin ósken. Sony­men birge Dar­­han Qydyráli mınıstrlik tara­py­nan azamattyq sektormen jumys isteý, ÚEU-men jobalyq yn­ty­maq­tas­tyq­ty transformasııalaý boıynsha bir­qatar bastama qolǵa alynǵanyn aıtty.

– Úkimettik emes uıymdardy qar­jy­­laı qoldaý tetikterin jetil­dirý boıynsha zań qabyldandy. Zań aıa­synda qoǵammen jumys isteıtin jańa memlekettik qoldaý tetigi – stra­tegııalyq áriptestik engizildi. Aýyl­dyq jerlerdegi azamattyq bas­tamalardy qoldaý tetigi ázir­lendi. Granttyq qarjylandyrý júıe­sin aýyldyq qoǵamdyq uıym­dar­dyń suranysyna beıimdep, jeńil­de­tilgen rejim usynyldy. «Qoǵam­dyq baqylaý týraly» zań joba­sy ázirlendi, – dedi Darhan Qýandyquly.

Mınıstrdiń sózinshe, saladaǵy basty strategııalyq qujat – eldegi úkimettik emes sektordy damytýdyń jańa vektoryn qamtıtyn azamattyq qoǵamdy damytýdyń 2020-2030 jyl­darǵa arnalǵan tujyrymdamasy iske asyp jatyr. Volonterlik qyz­metti damytý arqyly azamattyq bel­sendilikti arttyrý sharasy qabyl­danyp keledi.

Jumys sapary barysynda mınıstr Qaraǵandy qalasyndaǵy Ten Qogam áleýmettik beıimdeý orta­ly­ǵynyń ashylýynda boldy. Keshe ǵana esigin aıqara ashqan Ten Qogam áleýmettik beıimdeý orta­lyǵy Qaraǵandy qalasynyń ju­mys­pen qamtý jáne áleýmettik baǵ­dar­lamalar bóliminiń áleýmettik tapsyrysy boıynsha Qamqor plus múgedekter qoǵamdyq birlestiginiń bastamasymen ashyldy. On eki maman múmkindigi shekteýli jandarǵa bar­lyq qajetti aqparattyq-konsýl­tasııalyq jáne resýrstyq qoldaý kórsetýge daıyn.

– Bul jobanyń basty maqsaty – olardy áleýmettik qamsyzdandyrý, jumyspen qamtý máseleleri boıynsha aqparattandyrý jáne keńes berý. Biz áleýmettik beıimdelýge, Mem­le­kettik qyzmetterdi alý úshin qujat­t­ardy resimdeýge, ońaltýdyń teh­nı­kalyq quraldaryn tańdaýǵa kómek­tesemiz. Biz áleýmettik qyzmetter portaly jumysynyń qyr-syryn túsindire alamyz. Bizdiń ortalyqta zańger men psıhologtiń keńesteri de qoljetimdi, – dedi ortalyq basshysy Aslan Qabegenov. Ortalyqta ózine-ózi qyzmet kórsetý aımaǵy bar. Qyzmetkerler onlaın jáne oflaın formatta da kómekke daıyn.

О́ńirge sapary aıasynda mınıstr Múgedekterdiń halyqaralyq kúnine oraı uıymdastyrylǵan is-sharaǵa qatysty. 3 jeltoqsan – BUU uıǵarymy boıynsha Múgedek adamdardyń halyqaralyq kúni bolyp jarııalanǵan. Bul kúnniń maqsaty – ınklıýzıvti qoǵamdy damytý, múmkindigi shekteýli jandardy qoǵamǵa teń quqyly azamat retinde aralastyrý. Elimizde múgedek jandardyń quqyǵyn qorǵaý jáne ómir súrý sapasyn jaqsartý jónindegi 2025 jylǵa deıingi Ulttyq jospar bar. Múgedektiktiń aldyn alý, bilim alýǵa qoljetimdilik, kedergisiz orta, jumyspen qamtý, tıimdi ońaltý, áleýmettik qyzmetter jáne qoǵamdyq sanany jańǵyrtý búginde qoǵamnyń basty nazarynda.

Derekterge súıensek, aımaqta 55 myńnan astam múgedektigi bar turǵyn turady. Ol – oblys turǵyndarynyń 5 paıyzǵa jýyǵy. Oblys bıýdjeti­nen ońaltý quraldarymen jáne qyzmettermen qamtamasyz etý úshin 1 mlrd teńge qarjy bólingen. 2021 jyldan bas­tap, mundaı qural-jabdyqtardy «Áleýmettik qyzmetter portaly» arqyly tapsyrys berip, alýǵa múm­kindik jasalǵan.

– О́mirdiń qıyndyqtaryna mo­ıymaı, máselelerdiń sheshim tabýyna úles qosyp júrgen jandar búgin ortamyzda. Sizderdiń boı­laryńyzdaǵy qaısarlyq, ómirlik ustanym biz úshin zor ónege. Sizder oblystyń eń belsendi azamatysyzdar. Oblystaǵy múmkindigi shekteýli azamattarǵa túrli memlekettik qol­daý kórsetiledi, – dedi aımaq basshysy Jeńis Qasymbek.

2022 jyly 25 myń azamat ońal­tý­ǵa qajetti quralmen qamty­lyp, kómek kórsetilgen. Búginde aımaq­ta arnaıy áleýmettik qyzmet kórse­tetin 70 uıym bar. Birinshi jarty­jyl­dyqtyń qorytyndysy boıynsha mundaı qyzmet túriniń ıgiligin 9 myńnan astam adam kóripti. Aımaqta múgedektermen jumys jóninde ákim keńesshileri bar. Múmkindigi shekteýli 4 tulǵa jergilikti bılik uıymdaryna usynylǵan. Oblystyń 11 óńirinde «Invataksı» – tegin kólik tasymaly oń jolǵa qoıylypty.

Al saltanatty is-sharada aımaq­ta azamattyq ustanymdarymen áleý­met­tik máseleler túıininiń sheshi­lýine muryndyq bolǵan birqatar úkime­ttik emes uıym ókiline marapattar tapsyryldy.

 

Qaraǵandy

Sońǵy jańalyqtar

Dollar 460 teńgeden tómen tústi

Qarjy • Búgin, 17:08

Erteń elordada Úkimet otyrysy ótedi

Úkimet • Búgin, 14:21

Qazaqstanda aýasy eń las qala ataldy

Ekologııa • Búgin, 12:59

Uqsas jańalyqtar