Medısına • 05 Jeltoqsan, 2022

Kardıologter engizgen tehnologııa

61 ret kórsetildi

Qazaqstanda alǵash ret Júrek ortalyǵynyń ıntervensııalyq kardıologteri mıtraldy qaq­paq­shaǵa qysqysh salý boıynsha biregeı operasııa jasady. Sheberlik sabaǵynyń barysynda dárigerler mıtraldy qaqpaqsha jetkiliksizdigi bar naýqastardy emdeýdiń jańa ádisin meńgerdi. Bul tehnologııa quramynda qysqysh bar kate­terdi femoraldy vena arqyly az ınvazıvti jolmen engizýge, jabylmaıtyn jarmalardy qosý arqyly klapannyń aqaýyn joıýǵa jáne sol arqyly búkil deneniń qanmen qamtamasyz eti­lýin jaqsartýǵa múmkindik beredi.

Júrek durys jumys isteý kezinde mıtral­dy qaqpaqshalar sol jaq qaryn­sha­ǵa qan jiberý úshin ashylady. Ári qaraı sol jaq qarynshanyń jıyrylýymen qan qolqaǵa enip, búkil deneni ottegimen qamtamasyz etedi. Mıtraldy qaqpaqsha jetkiliksiz bolǵan jaǵdaıda onyń jarmalary tyǵyz jabylmaıdy, bul qannyń keri aǵýyna ákeledi. Osynyń saldarynan otteginiń jetkilik­sizdigimen adam aǵzasy entigý men jıi sharshaýdy sezine bastaıdy.

«Júrektiń bul patologııasy 4% jaǵdaıda kezdesedi. Bul negizinen 50 jastan asqan pasıentter, olar úshin júrekke ashyq operasııa jasaý úlken júkteme jáne operasııadan keıingi asqynýlardyń qaýpin týdyrady. Sondyqtan qaqpaqshaǵa qysqysh salý ashyq operasııaǵa jaqsy balama bolyp tabylady», dedi Júrek ortalyǵynyń kateterleý zerthanasynyń meńgerýshisi Abdýrashıd Musaev.

Eki kúndik oqý barysynda klınıka dárigerleri Túrkııadan kelgen áriptes­terimen birge 4 pasıentke qysqysh ornatty. Olarda mıtraldy qaqpaqshanyń jetkiliksizdigi baı­qaldy, «ashyq» júrekke operasııa jasaýǵa qarsy kórsetilimder, sondaı-aq basqa da qatar júretin aýrýlar bolǵan.

«Men ınfarktan keıin aýyr jaǵ­daı­da boldym, jıi entigýdi bastan ótkerdim. Qazir operasııadan keıin ózimdi jaqsy sezinemin, osy operasııa­ny jasaǵan orta­lyq dárigerlerine alǵys aıtamyn», dep qýanyshyn bólisti klınıkanyń pasıenti.

«Bul operasııadan keıin qalpyna keltirý tezirek júredi. Bizdiń pasıentter qazirdiń ózinde klınıkadan shyǵýǵa daıyndalyp jatyr. Bul ádispen barlyq pasıentti emdeýge bolady dep aıtýǵa bolmaıdy. Degenmen bul tehnologııa qazir dárilik terapııa jalǵyz em bolyp tabylatyn adamdardyń ómir súrý sapasyn edáýir jaqsarta alady», deıdi Júrek ortalyǵynyń ıntervensııalyq kardıologııa jáne radıologııa KAD dırektory Marat Áripov.

Sońǵy jańalyqtar

Astanada «Vaitursynuly.kz» saıtynyń tusaýkeseri ótti

Ahmet Baıtursynuly • 03 Aqpan, 2023

Tarazda tórt jasar balany toq soqty

Qoǵam • 03 Aqpan, 2023

Prezıdent qolónershiler kórmesin aralady

Prezıdent • 03 Aqpan, 2023

Uqsas jańalyqtar