Aımaqtar • 07 Jeltoqsan, 2022

Sapasyz oıynshyqtyń zalaly

Dúkendegi balalarǵa arnalǵan sapasyz bazarlyqtar ártúrli dertke jeteleýi múmkin. Kedennen zańsyz ótken oıynshyqtardyń zalaly qoǵamǵa qaýipti. Máselen, Jetisý oblysynda zerttelgen oıynshyqtardyń 64 paıyzy tehnıkalyq reglamentterdiń talaptaryna sáıkes kelmeıdi. Demek, óńir turǵyndarynyń alańdaýyna sebep bar. Búginde dárigerler de zar qaǵyp otyr.

Muhtar KÚMISBEK

О́ńirlik sanıtarlyq-epıdemııalyq baqylaý departamenti turaqty túrde oıynshyqtardyń qaýipsizdigine monıtorıng júrgizedi. Maqsat – ónimniń qaýipsizdigin baǵalaý, sondaı-aq tehnıkalyq reglamentterdiń talaptaryna sáıkes kelmeıtin buzýshylyqtardy anyqtaý. Mysaly, aǵymdaǵy jyldyń 10 aıynda monıtorıng nátıjeleri zerttelgen oıynshyqtardyń 64 paıyzy Keden odaǵynyń «Oıynshyqtardyń qaýipsizdigi týraly» tehnıkalyq reglamentiniń talaptaryna (TR TS 008/2011) sáıkes kelmeıtinin kórsetken.

Barlyq jaǵdaıda sáıkessizdikter oıynshyqtardyń tańbalanýynda anyqtalǵan, ıaǵnı taýardyń ataýy, daıyndaýshynyń (ýákilettik bergen tulǵanyń), ımporttaýshynyń ataýy men ornalasqan jeri, daıyndalǵan kúni, EAS belgisi týraly aqparat bolmaǵan. Ol azdaı ana tilimizde derekter jóndi jazylmaǵan.

Atap aıtsaq, «L.Q.L. BEAUTIFUL» plastmassadan jasalǵan qýyrshaǵy, «TOYS» plastmassadan jasalǵan sý tapanshasy, «Beach Toys» qumda oınaýǵa arnalǵan jınaǵy, «Toys Toys» sý tapanshasy, «Girls Toys» ydys-aıaq jınaǵy Qytaıdaǵy belgisiz óndirýshiler jasaǵan. Úsh jastan asqan balalarǵa arnalǵan 5 oıynshyq synamasynda formaldegıd, benzol, stırol jáne ksıloldyń artyq mólsheri anyqtaldy. Mamandardyń aıtýynsha, formaldegıd qaterli isik aýrýyn týdyrýy múmkin. Sondaı-aq benzol súıek kemigine zııandy áser etedi jáne qyzyl qan jasýshalarynyń azaıýyna sep bolady. Munyń ásirinen bala anemııaǵa dýshar bolýy yqtımal. Stırol baýyr men búırektiń jumysyna, qan aınalymy men júıke júıesine teris áser etedi. Ol ol ma, adam aǵzasyna uzaq ýaqyt enýi joǵary tynys alý joldary aýrýlarynyń asqynýlaryn týdyrady. Ksılol adamnyń júıke júıesine zııandy, aǵzaǵa túskende teriniń jáne shyryshty qabattardyń titirkenýine jol ashady. Osy oraıda departament qyzmetkerleri kásipkerlik sýbektileriniń atyna buzýshylyqtardy joıý týraly uıǵarymdar berdi.

О́zderińizge belgili, jańajyldyq mereke jaqyndap keledi. Osy kúnderi balalardyń densaýlyǵyna zııan keltirmeý úshin oıynshyq tańdaýǵa jaýapkershilikpen qaraý kerek. Osy rette mamandardyń keńesine júginsek. Eń aldymen, tańbalaýdy zerdelep alyńyz, ol tolyq, durys, naqty, ońaı oqylatyn, memlekettik jáne orys tilderinde bolýǵa tıis. Odan keıin oıynshyq daıyndalǵan materıalǵa nazar aýdaryńyz, onda jaǵymsyz ıis bolmaýy kerek. Túsi tym jarqyn emes, dybys asa qatty jáne kenetten shyqpaýǵa tıis. Sosyn barlyq bekitpe men qosyndynyń senimdiligin tekserińiz. Satýshydan oıynshyqtyń qaýipsizdigin rastaıtyn qujatty surańyz. Olar bolmasa, satyp alýdan bas tartyńyz. Osylardy eskere júrgenińiz jón.

Jetisý oblysy