Prezıdent • 09 Jeltoqsan, 2022

Integrasııalyq prosesterdi tejeý týraly sóz bolýy múmkin emes - Prezıdent

440 ret

kórsetildi

1 mın

oqý úshin

Qazaqstan EAEO týraly shartqa tolyq saı keletin ekonomıkalyq ıntegrasııa prosesin jetildirý jáne ońtaılandyrý úshin barlyq kúsh-jigerin jumsaıdy. Bul týraly Prezıdent Qasym-Jomart Toqaev Joǵary Eýrazııalyq ekonomıkalyq keńesiniń otyrysynda aıtty, dep jazady Egemen.kz.

Dınar KERIM

Integrasııalyq prosesterdi tejeý týraly sóz bolýy múmkin emes - Prezıdent

- Bizdiń halyqtarymyz, árıne, Qazaqstan halqy da, bizdiń kásipkerlerimiz de mundaı ıntegrasııanyń paıdasy men nátıjesin kórýi tıis. Degenmen kózdelgen kóptegen ıntegrasııalyq baǵyt boıynsha biz áli de «kibirtiktep» turmyz. Mysaly, Odaqtyń sıfrlyq kún tártibindegi jumystardyń nátıjesi kórinbeıdi. Qazaqstan bul baǵytta aıtarlyqtaı alǵa jyljydy. Búginde biz sıfrlandyrylǵan otyz memlekettiń qataryna kiremiz, - dedi Q.Toqaev.

Prezıdent sondaı-aq elimizde memlekettik qyzmetterdiń 90 paıyzdan astamy elektrondy formatta kórsetiletinin atap ótti.

- IT tehnologııalar men ınnovasııalardyń básekege qabiletin arttyrý úshin zańnamalyq negizder jasaldy. IT startaptarynyń halyqaralyq tehnoparki tabysty jumys isteıdi. Krıptoındýstrııa damyp, sıfrlyq teńge engizilip jatyr. Osynyń bárin ıntegrasııany damytýǵa, eýrazııalyq aýqymdaǵy jobalardy jasaýǵa paıdalanýymyz kerek dep esepteımin. Biz Odaqqa múshe elderdi osy baǵyttaǵy jumysty jandandyrýǵa shaqyramyz, - dedi Memleket basshysy.